Astroinformatica
El astroinformatica es un interdisciplinario campo de estudio que involucra con el combinacion del astronomia, el ciencia de maga dato, el automatico aprendizaje, el ciencia del informacion y el maga tecnologia del informacion y el comunicacion. Cercanamente relacionao el campo con el astroestadistica.
Fondo revisa
El primario enfoque del astroinformatica es el desarrollo del maga herramienta, maga metodo y maga aplicacion del cientifico computacion, el ciencia de maga dato, el automatico aprendizaje y el estadistica para el investigacion y el educacion na el astronomia orientao al maga dato. Ya inclui maga temprano esfuerzo na este campo con el descubrimiento de maga dato, el desarrollo de maga estandar de maga metadato, el modelao de maga dato, el desarrollo de un astronomico diccionario de maga dato, el acceso al maga dato, el busqueda y recuperacion de informacion, el integracion de maga dato y el mineria del maga dato na el maga iniciativo del astronomico virtual observatorio. Ya presenta maga cientifico na el campo con mayor desarrollo del campo, junto con el respaldo del astronomico comunidad, al National Research Council (United States) na 2009 na el papel del posicion del astroinformatica, titulao "state of the profession" (Plantilla:Lang-cbk) para el Decadal Encuesta de Astronomia y Astrofisica de 2010. Ya provee aquel papel de posicion con el base para la subsiguiente, mas detallao, exposicion del campo na el papel Astroinformatics: Data-Oriented Astronomy Research and Education (Plantilla:Lang-cbk) para el Informatics Journal (Plantilla:Lang-cbk).
El inspiracion (para el astroinformatica como un distinto campo de investigacion) fue el obra na el maga campo del geoinformatica, el quimioinformatica, el bioinformatica y el obra para e-Science de si Jim Gray a Microsoft Research, cuyo legado recordao y continuao a traves del maga Premio eScience de si Jim Gray.
Masquen el primario enfoque del astroinformatica es el gran coleccion, distribuio na todo el mundom de maga digital astronomico base de maga dato, maga archivo de maga imagen y maga herramienta de investigacion, ta reconoce el campo tambien con el importancia del maga heredao [[conjunto de maga dato[[, utilizando con maga moderno tecnologia para preserva y analiza con maga historico astronomico observacion. Ta ayuda algun maga practicante del astroinformatica a digitiza con maga historico y reciente astronomico observacion e imagen na un gran base de maga dato para un eficiente recuperacion a traves de maga interfaz basao na el web. Otro meta es ayuda a desarrolla con maga nuevo metodo y software para maga astronomo, ademas de ayuda a facilita con el proceso y el analisis del creciente cantidad de maga dato na el campo de la astronomia.
Segun si Tony Hay de Microsoft Research, el astroinformatica el "aca-cuatro paradigma" (English: fourth paradigm) del astronomico investigacion.[1] Ta involucra manada area de investigacion con el astroinformatica, como el mineria de maga dato, el automatico aprendizaje, el estadistica, el visualizacion, el gestión de maga cientifico dato y el semantico ciencia. Ta desempeña el mineria de maga dato y el automatico aprendizaje con maga significante rol na el astroinformatica como un disciplina del cientifico investigacion gracias al de ellos enfoque na el "knowledge discovery from data" (KDD, Plantilla:Lang-cbk) y el "learning from data" (Plantilla:Lang-cbk).
A lo largo del ultimo decada, ya crece el cantidad de maga dato recopilao del maga astronomico estudio del cielo, de maga gigabyte a maga terabyte, y segun maga prediccion, ay segui creciendo na el proximo decada a maga ciento de maga petabyte (gracias al Observatorio Vera C. Rubin) y al maga exabyte (gracias al Square Kilometre Array). Y ta habilita y ta desafia este pletora de maga nuevo dato con el efectivo astronomico investigacion. Ansina, obligatorio maga nuevo enfoque. Na parte debio a esto, el ciencia basao na maga dato ya un reconocio academico disciplina. Consiguientemente, ta desarrolla ya el astronomia (y otro maga cientifico disciplina) con maga subdisciplina, intensivo na informacion y maga dato, ansina que este maga subdisciplina ya maga independiente disciplina de investigacion y maga completo academico programa. Masquen hinde ta conta manada instituto de educacion con un programa de astroinformatica, muy probable (na el cercano futuro) el desarrollo de tal maga programa.
Segun un reciente definicion, el ciencia del informacion es "el uso de maga digital dato, informacion y maga relacionao servicio para el investigacion y el generacion de conocimiento" (English: the use of digital data, information, and related services for research and knowledge generation).[cita requerida] Sin embargo, el tipico o comunmente usao definicion es que "el informatica es el disciplina encargao de organiza, accede, integra y extrae con maga dato de cuanto fuente para el descubrimiento y el apoyo al toma de maga decision" (English: informatics is the discipline of organizing, accessing, integrating, and mining data from multiple sources for discovery and decision support).[cita requerida] Ansina, ta inclui el disciplina del astroinformatica con manada naturalmente relacionao especialidad, incluio el modelao de maga dato, el visualizacion de maga dato, etc. Puede ele tambien inclui con maga metodo de transformacion y normalizacion para el integracion de maga dato y el visualizacion de informacion, ademas del extraccion de conocimiento, maga tecnica de indexacion, el recuperacion de informacion y maga metodo de mineria de maga dato. Muy implicao tambien el maga esquema de clasificacion (e.g. maga taxonomia, maga ontologia, maga folcsonomia y/o el colaborativo etiquetacion) mas el astroestadistica. Tambien ta contribui maga proyecto de ciudadano ciencia (como Galaxy Zoo) con el descubrimiento de maga novedad muy valorao, el meta-etiquetacion de maga caracteristica y el caracterizacion de maga objeto dentro de maga conjunto de maga dato de, bueno, maga astronomico proporcion. Ta facilita todo este maga especialidad con el cientifico descubrimiento a traves de maga variao masivo coleccion de maga dato, el colaborativo investigacion y el reutilizacion de maga dato, na maga entorno tanto de investigacion como de aprendizaje.
Na 2012, despues del presentacion de dos maga papel al Consejo del Americano Astronomico Sociedad, ya ocurri el establecimiento de maga formal grupo de trabajo na el astroinformatica y el astroestadistica para el profesion del astronomia dentro del EEUU y na otro maga lugar.
Ta provee el astroinformatica con un natural contexto para el integracion del educacion y el investigacion. Implementable ya el experiencia del investigacion dentro del aula para establece, y hace crece, con el alfabetizacion de maga dato a traves del facil reutilizacion del maga dato. Tambien ta conta el astroinformatica con manada otro uso, como el reutilizacion de maga dato de archivo para maga nuevo proyecto, maga enlace entre el literatura y maga dato, el inteligente recuperacion de informacion y manada otro.
Mira tambien revisa
Maga referencia revisa
- ↑ «The Fourth Paradigm: Data-Intensive Scientific Discovery» (October 2009).