Átomo

El atomo el mas pequeño na particula de el materia ordinario (mana solido, liquido, y gas). Mucho pequeño el mana atomo: 100 picometro (un trillonesima parte de un metro) el grandor de un atomo tipical. Por eso, tiene mucho grande cantidad de atomo el un gramo de un materia (10^23 atomo).

	Traducido este artículo na Caviteño.

Representacion de un atomo de elemento helio en el tierra.

Tiene dos pedazo el átomo: un nucleo en su centro y un nube de un o mana electron na cerca de ese. Tá na nucleo el mas de 99.94% de masa de un atomo. Tiene dos clase de particula que ta consistí el nucleo: mana proton y mana neutron. Tiene carga positivo el proton, tiene carga negativo el electron, y nuay carga (o neutral) el neutron. Por un atomo neutral, igual el cantidad de proton y el cantidad de electron. Desde mana electron el ta hací junto na mana reaccion quimico, despues el cantidad de proton el ta dictá de mana propiedad quimica de un atomo. Ta llamá este cantidad na numero atomico; ta usá este numero para conocí el mana elemento quimica.

Ta pudí na otro-otro el cantidad de neutron el mana atomo de un elemento quimica. Ta llamá isotopo este variacion. Por ejemplo, tiene tres isotopo un elemento hidrogeno: protium (protio en español; tiene solo proton na nucleo), deuterium (deuterio en español; tiene un proton y un neutron), y tritium (tritio na español; tiene un proton y dos neutron).