Biologia

El biologia es el cientifico estudio del vida. Es un natural ciencia con un amplio alcance, pero con cuanto unificador tema que ta uni conele como un unico y coherente campo. Por ejemplo, compuesto todo el maga organismo por maga celula que ta procesa con hereditario informacion codificao na maga gen, transmisible al maga futuro generacion. Otro importante tema el evolucion, que ta explica con el unidad y diversidad del vida. Tambien importante al vida el procesamiento de energia, que ta permiti con el movimiento, crecimiento y reproduccion de maga organismo. Al final, puede todo el maga organismo regula con el de ellos maga interno medio (French: milieu intérieur).

Puede el maga biologo estudia con el vida a multiple nivel de organizacion, desde el molecular biologia de un celula hasta el anatomia y fisiologia de maga planta y maga animal, y el evolucion de maga poblacion. Ansina hay multiple subdivision del biologia, cada uno definio por el naturaleza del de ellos maga pregunta de investigacion y el maga herramienta que ta utiliza ellos. Como otro maga cientifico, ta usa el maga biologo con el cientifico metodo para realizar con maga observacion, plantea con maga pregunta, genera con maga hipotesis, realiza con maga experimento y forma con maga conclusion sobre el mundo alrededor de ellos.

Inmensamente diverso el vida na el Tierra, que ya emerge hace mas de 3.7 maga millon de maga año. Ya trata el maga biologo de estudia y clasifica con el maga diverso forma de vida, desde maga procariota organismo (como maga arquea y maga bacteria) hasta maga eucariota organismo (como maga protista, maga hongo, maga planta y maga animal). Ta contribui todo este maga organismo al biodiversidad de un ecosistema, donde ta desempeña ellos con maga especializao rol na el biogeoquimico ciclo de maga nutrimento y energia por el de ellos natural entorno.

Historia

Artículo principal: Historia del biologia.

Diagrama de un mosca del inovativo Micrographia de si Robert Hooke, 1665.

Al antiguo Egipto y Mesopotamia (Plantilla:Circa 3000–1200 AEC) ta remonta el maga mas temprano raiz de este ciencia, incluio el medicina. Ya moldea el de ellos maga contribucion con el filosofia del naturaleza del maga antiguo griego. Ya contribui tal maga filosofo como si Aristoteles (384–322 AEC) extensamente al desarrollo del biologico conocimiento. Ya explora ele con el biologico causacion y el diversidad del vida. Ya inicia el de suyo sucesor, si Teofrasto, con el cientifico estudio del maga planta. Ya inclui maga erudito del medieval islamico mundo con si al-Jahiz (781–869), si Abū Ḥanīfa Dīnawarī (828–896), que ya escribi sobre el botanica, y si Al-Razi (865–925), que ya escribi sobre el anatomia y el fisiologia. Especialmente bien ya estudia el medicina el maga islamico erudito trabajando na el maga tradicion del maga griego filosoficp, mientras que basao el natural historia na gran medida na el aristotelico pensamiento.

Rapidamente ya empeza el biologia a desarolla gracias al dramatico mejora del microscopio por si Anton van Leeuwenhoek. Entonces lang ya descubri el maga erudito con el maga espermatozoide, el maga bacteria, el maga infusorio y el diversidad del microscopico vida. Ya llega maga investigacion por si Jan Swammerdam a un nuevo interes na el entomologia y ya ayuda a desarrolla con maga tecnica de microscopico diseccion y tincion. Profundamente ya impacta maga avance na microscopia con el biologico pensamiento. A maga principio del aca-19 siglo, ya señala el maga biologo con el central importancia del celula. Na 1838, ya empeza si Matthias Jakob Schleiden y si Theodor Schwann a promociona con el maga universal idea de que (1) el basico unidad de maga organismo es el celula y (2) ya tene el maga individual celula con todo el maga caracteristica del vida, masquen ya opone este maga cientifico con el idea de que (3) ya proveni todo el maga celula del division de otro maga celula, hinde el espontaneo generacion. Sin embargo, ya logra si Robert Remak y si Rudolf Virchow reifica con el tercer principio, y na el decada de 1860 ya acepta el mayoria del maga biologo con todo el tres maga principio, que mas tarde ya consolida na el celular teoria.

Mientras tanto, ya queda el taxonomia y el clasificacion con el enfoque del maga natural historiador. Ya publica si Carlos Linneo con un basico taxonomia para el natural mundo na 1735, y na el decada de 1750 ya introduci ele con maga cientifico nombre para todo el de suyo maga especie. Ya trata si Georges-Louis Leclerc de Buffon con maga especie como maga artificial categoria y maga vivo forma como maleable — incluso sugiriendo con el posibilidad de comun antepasado.

Na 1842, ya escribi si Charles Darwin con el de suyo primer esbozo de El origen del maga especie.

Ya origina el serio evolutivo pensamiento con el maga obra de si Jean-Baptiste Lamarck, que ya presenta con un coherente teoria del evolucion. Ya forja el britanico naturalista si Charles Darwin —combinando con el biogeografico enfoque de si Humboldt, el uniformitario geologia de si Lyell, el maga escrito de si Malthus sobre el crecimiento del poblacion y el de suyo propio morfologico experiencia y maga extenso natural observacion— con un mas exitoso evolutivo teoria basao na el natural seleccion. Mediante similar razonamiento y evidencia, independientemente ya llega si Alfred Russel Wallace al maga mismo conclusion.

Ya empeza el base para el moderno genetica con el trabajo de si Gregor Mendel na 1865. Ya esboza esto con el maga principios del biologico herencia .Sin embargo, hinde notao el importancia del de suyo obra hasta el maga principio del aca-20 siglo, cuando ya queda el evolucion un unificao teoria, kay ya reconcilia el moderno evolutivo sintesis con el darwiniano evolucion con el clasico genetica. Na el maga 1940 y maga 1950, ya señala el experimento de si Hershey y si Chase con el DNA como el componente del maga cromosoma que ya contene con el maga portador unidad de maga rasgo para entonces conocio como maga gen. Ya comenza un nuevo era, el era del molecular genetica, gracias a un enfoque na maga nuevo tipo de maga modelo organismo, como maga virus y maga bacteria, junto con el descubrimiento del estructura de doble helice del DNA por si James Watson y si Francis Crick na 1953. Desde el decada de 1950, ya amplia inmensamente el biologia na el molecular dominio, un campo conocio como el molecular biologia. Ya descifra el genetico codigo si Har Gobind Khorana, si Robert W. Holley y si Marshall Warren Nirenberg despues del hallazgo de que ya contene el DNA con maga codon. Lanzao el Proyecto Humano Genoma na 1990 para mapear con el humano genoma.

Quimico base

Maga atomo y maga molecula

Véase también: Quimica.

Compuesto todo el maga organismo de maga quimico elemento. Ta representa el oxigeno, el carbono, el hidrogeno y el nitrogeno con el mayor parte (96%) del masa de todo el maga organismo, mientras que ta constitui el calcio, el fosforo, el azufre, el sodio, el cloro y el magnesio con esencialmente todo el resto. Puede maga diferente elemento combina para forma con maga quimico compuesto como el agua, el base del vida. El bioquimica es el estudio de maga quimico proceso dentro de, y relacionao a, el maga vivo organismo. El molecular biologia es el rama del biologia que ta Busca comprende con el maga molecular base del biologico actividad en y entre el maga celulas, incluio el molecular sintesis, modificacion, maga mecanismo y maga interaccion.

Agua

Véanse también: Planetario habitabilidad, Zona de habitabilidad y Mundial distribucion del maga hidrico recurso.

Model of hydrogen bonds (1) between molecules of water

Ya surgi el vida del primer oceano del Tierra, que ya forma hace unos 3.800 maga millon de maga año. Desde entonces, ta continua el agua como el mas abundante molecula en todo organismo. Importante el agua para el vida kay ele un efectivo disolvente, capaz de disolve con maga soluto como maga ion de sodio y cloruro u otro maga chico molecula para forma con un acuoso disolucion. Disuelto na el agua, mas probable que ta entra este maga soluto na contacto entre si y, por lo tanto, ta participa na maga quimico reaccion que ta sustenta con el vida. Na maga terminos del de suyo molecular estructura, el agua es un chico polar molecula formao por el maga polar covalente enlace de dos maga atomo de hidrogeno (H) a un atomo de oxigeno (O) (H₂O). Debio a que polar el maga enlace O–H, ta tene el atomo de oxigeno con un leve negativo carga y ta tene el dos maga atomo de hidrogeno con un leve positivo carga. Ta permiti este propiedad de agua que ta atrae ele con otro maga molecula de agua a traves de maga enlace de hidrogeno, cosa ta hace cohesivo el agua. El superficial tension es el resultao del cohesivo fuerza debio al atraccion entre el maga molecula na el superficie del liquido. Tambien adhesivo el agua, capaz de adheri al superficie de cualquier polar molecula o cargao (si hinde agua). Mas denso el agua como un liquido que como un solido (i.e. hielo). Ta permiti este unico propiedad del agua que ta flota el hielo por encima del liquido agua, como maga estanque, maga lago y maga oceano, aislando ansina con el líquido de abajo del frio aire de arriba. Ta tene el agua con el capacidad de absorbe con el energia, cosa ta dale a ello con un mas alto especifico calor que otro maga solvente como el etanol. Ansina, hinde completamente estable el agua kay ta disocia continuamente cada molecula de agua na hidrogeno y maga ion de hidroxilo grupo antes de volve a forma con un molecula de agua. Na puro agua, ta equilibra (o ta iguala) el numero de maga ion de hidrogeno con el numero de maga ion de hidroxilo, cosa ta dale como resultao con un neutro pH.

Maga organico compuesto

Artículo principal: Organico quimica.

Vital a maga organismo el maga organico compuesto como el glucosa.

Maga organico compuesto son maga molecula que ta contene con carbono unio a otro elemento como el hidrogeno. Con el excepcion del agua, ta contene carbono casi todo el maga molecula que ta compone con cada organismo. Puede el carbono forma con maga covalente enlace con hasta cuatro maga otro atomos, cosa ta permiti conele forma con maga diverso, grande y complejo molecula. Por ejemplo, puede un solo atomo de carbono forma con cuatro maga sencillo covalente enlace como na el metano, dos maga doble covalente enlace como na el dioxido de carbono (CO₂) o un triple covalente enlace como na el monoxido de carbono (CO). Ademas, puede el carbono forma con maga muy largo cadena de maga interconectando enlace carbono–carbono como el octano o maga anular estructura como el glucosa.

El mas simple forma de un organico molecula es el hidrocarburo, que es una gran familia de maga organico compuesto. Compuesto tal maga molecula por maga atomo de hidrogeno unio a un cadena de maga atomo de carbono. Sustituible un vertebral columna de maga hidrocarburo por otro maga elemento como oxigeno (O), hidrogeno (H), fosforo (P) y azufre (S), que puede cambia con el quimico comportamiento del compuesto. Un funcional grupo es un grupo de atomo que ta contene con este maga elemento (O-, H-, P- y S-) y que ta queda unio a un central atomo (o esqueleto) de carbono. Hay seis maga prominente funcional grupo incuntrable na el maga organismo: el maga amina, el carboxilico acido, el carbonilo grupo, el grupo hidroxilo, el maga fosfato y el maga tiol.

Na 1953, ya demostra el experimento de si Miller y si Urey abioticamente sintetizable el maga organico compuesto dentro de un cerrao sistema imitando con el maga condicione del primitivo Tierra, ansina sugiriendo con el posibilidad de que ya surgi espontaneamente el maga complejo organico molecula na el primitivo Tierra (mira con abiogenesis).

Maga macromolecula

Artículo principal: Macromolecula.

El maga (a) primario, (b) secundario, (c) terciario y (d) cuaternario estructura de un proteina de hemoglobina.

Maga macromolecula son maga gran molecula compuesto de maga mas chico unidad o maga monomero. Ta inclui el maga monomero con maga azucar, maga aminoacido y maga nucleotido. Ta inclui el maga carbohidrato con maga monomero y maga polimero de maga azucar. Son el maga lipido el unico clase de maga macromolecula hinde formao por maga polimero. Ta inclui ellos con maga esteroide, maga fosfolipido y maga grasa, na gran medida maga hinde polar e hidrofobo (repelente al agua) sustancia. El maga proteina el maga mas diverso del maga macromolecula. Ta inclui ellos con el maga enzima, el maga proteina de transporte, maga gran molecula de celular comunicacion, maga anticuerpo y maga estructural proteina. El basico unidad (o monomero) de un proteina es un aminoacido. Ta usa el maga proteina con veinte maga aminoacido. El maga nucleico acido son maga polimero de maga nucleotido. El de ellos funcion es almacena, transmiti y expresa con hereditario informacion.

Maga celula

Artículo principal: Celula.

Ta declara el celular teoria que:

El maga celula el maga fundamental unidad del vida.
Un celula es un unidad de protoplasma formao por citoplasma y un nucleo rodeao por un celular membrana.
Todo el maga vivo ser son compuesto de uno o mas maga celula.
Ta surgi todo el maga celula de maga preexistente celula mediante celular division.

Muy chico el mayoria del maga celula, con maga diametro de 1 a 100 maga micrometro, ansina que visible ellos bajo un optico o electronico microscopio lang. Generalmente hay dos maga tipo de maga celula: maga eucariota celula, que ta contene con un celular nucleo, y maga procariota celula, que ta carece de esto. El maga procariota son maga unicelular organismo como maga bacteria, mientras que puede unicelular o pluricelular el maga eucariota. Na maga pluricelular organismo, ultimamente ta remonta cada celula (na el cuerpo del organismo) de un solo celula, llamao el cigoto, na un fertilizao huevo.

Celular estructura

Estructura de un animal celula representando con cuanto organulo.

Encerrao cada celula dentro de un celular membrana que ta separa con el de suyo citoplasma del extracelular espacio. Ta consisti un celular membrana na una lipidico bicapa, que ta inclui con maga colesterol incuntrao entre el maga fosfolipido para mantene con el fluidez del membrana a vario maga temperatura. Semipermeable el maga celular membrana, permitiendo con el pasaje de maga chico molecula como el oxigeno, el dioxido de carbono y el agua, mientras bloqueando con el movimiento de maga mas grande molecula y maga cargao particula como el maga ion. Tambien ta contene el maga celular membrana con maga proteina de membrana, incluio maga integral proteina de membrana que ta cruza con el membrana y ta servi como maga transportador proteina de membrana, ademas de maga periferico proteina de membrana que ta adheri sin apreta al externo lado del celular membrana, actuando como maga enzima que ta dale con forma al celula. Involucrao el maga celular membrana na cuanto celular proceso como el celular adherencia, el potencial de membrana y el celular comunicacion. Ta servi ellos como superficie de adherencia para cuanto extracelular estructura como el celular pared, el glucocaliz y el citoesqueleto.

(Na castellano) Estructura de un vegetal celula.

Dentro del citoplasma de un celula, hay manada biomolecula como maga proteina y maga nucleico acido. Ademas de maga biomolecula, ta tene el maga eucariota celula con maga especializao estructura llamao maga organulo con el de ellos maga propio lipido bicapa. Ta inclui este maga organulo con el celular nucleo, que ta contene con el mayoria del DNA del celula, y maga mitocondria, que ta genera con Adenosin trifosfato (ATP) para alimenta con maga celular proceso. Ta desempeña otro maga organulo, como el endoplasmatico reticulo y el aparato de si Golgi, con un rol na el sintesis y empaquetamiento de maga proteina, respectivamente. Puede envuelto maga biomolecula como maga proteina por maga lisosoma, otro especializao organulo. Ta tene maga vegetal celula con maga adicional organulo que cosechar con energia de solar luz para produci con azucar, y maga vacuola que proporciona con almacenamiento y estructural soporte, ademas de participa na el reproduccion y descomposicion del maga semilla del maga planta. Tambien ta tene un eucariota celula con un citoesqueleto formao por maga microtubulo, maga intermedio filamento y maga microfilamento. Ta proporciona todo este maga organulo con soporte al celula y ta participa ellos na el movimiento del celula y el de suyo maga organulo. Na maga termino del de ellos estructural composicion, compuesto el maga microtubulo de tubulina (es deci, α-tubulina y β-tubulina) mientras que compuesto el maga intermedio filamento de maga fibroso proteina. Compuesto el maga microfilamento de maga molecula de actina que ta interactua con otro maga cadena de maga proteina.

Metabolismo

Artículo principal: Metabolismo.

Véase también: Bioenergetica (biologia).

(Na ingles) Ejemplo de un exotermico reaccion catalizao por maga enzima.

Ta requeri todo el maga celula con energia para sostene con el maga celular proceso. El metabolismo el conjunto de maga quimico reaccion na un organismo. El tres maga principal proposito del metabolismo son: (1) el conversion de alimento na energia para ejecuta con maga celular proceso, (2) el conversion de maga alimento y/o maga combustible na maga bloque de construccion de maga monomero y (3) el eliminacion de maga metabolico desecho. Ta permiti este maga reaccion, catalizao por maga enzima, que ta crece y ta reproduci el maga organismo, que ta mantene ellos con el de ellos maga estructura, y que ta responde ellos al de ellos maga entorno. Categorizable maga metabolico reaccion como catabolico (el descomposicion de maga quimico compuesto, p.ej. de glucosa a piruvato por celular respiracion) o anabolico (el composicion, o biosintesis de maga compuesto, p.ej. maga proteina, maga carbohidrato, maga lipido y maga nucleico acido). Na manada situacion, ta libera el catabolismo con energia, y ta consumi el anabolismo con energia. Organizao el maga quimico reaccion del metabolismo na maga metabolico ruta, na el que transformao un quimico producto, mediante un serie de maga etapa, na otro, cada etapa facilitao por un especifico enzima. Crucial el maga enzima al metabolismo kay ta permiti el maga organismo a impulsa con maga deseable reaccion que ta requeri con energia y que hinde ay ocurri por si mismo, acoplando con ellos a maga espontaneo reaccion que ta libera con energia. Ta actua el maga enzima como maga catalizador —es deci, ta permiti ellos que ta procede un reaccion mas rapidamente sin queda consumio por ello— reduciendo con el cantidad de energia de activacion necesario para converti con el maga reactivo na maga quimico producto. Tambien ta permiti el maga enzima con el regulacion del tasa de un metabolico reaccion, por ejemplo na respuesta a maga cambio na el entorno del celula o a maga señal de otro maga celula.

Celular respiracion

Artículo principal: Celular respiracion.

(Na ingles) Respiracion na un eucariota celula

El celular respiracion es un conjunto de maga metabolico reaccion y proceso que ta ocurri na maga celula para converti con el quimico energia del maga nutriente na adenosin trifosfato (ATP) y luego libera con maga desecho. El maga reaccion implicao na el respiracion son maga catabolico reaccion, que ta rompe con el maga gran molecula na otro maga mas chico, liberando con energia. El respiración uno del maga clave forma na que ta libera un celula con quimico energia para alimenta con el celular actividad. Ta ocurri el general reaccion na un serie de maga bioquimico paso, y algun maga son maga redox reaccion. Masquen el celular respiracion tecnicamente un reaccion de combustion, claramente hinde ta parece ele a uno cuando ta ocurri ele na un celula debio al lento y controlao liberacion de energia del serie de maga reaccion.

El azucar na forma de glucosa es el principal nutriente utilizao por el maga animal y vegetal celula na el respiracion. El celular respiracion con oxigeno es aerobico respiracion, que ta tene con cuatro maga etapa: el glucolisis, el ciclo de si Krebs, el cadena de transporte de maga electron y el oxidativo fosforilacion.

El glucolisis es un metabolico proceso que ta ocurri na el citoplasma por lo que convertio el glucosa na dos maga piruvato, y producio dos maga neto molecula de ATP al mismo tiempo. Entonces ta oxidiza el piruvato dehidrogenaso complejo con cada piruvato na Acetil-CoA, generando tambien con NADH y dioxido de carbono.
Ta entra el Acetil-CoA na el ciclo de si Krebs, que ta ocurri dentro del mitocondrial matriz. Al final del ciclo, el total rendimiento de 1 glucosa (o 2 maga piruvato) es de 6 NADH, 2 FADH₂ y 2 ATP.
Al final el proximo etapa es el oxidativo fosforilacion, que na el maga eucariota ta ocurri na el maga mitocondrial cresta. Ta comprende el oxidativo fosforilacion con el cadena de transporte de maga electron, un serie de cuatro maga proteico complejo que ta transferi con maga electron de un complejo a otro, ansina liberando con energia de NADH y FADH₂ acoplao al bombeo de maga proton (maga ion de hidrogeno) a traves del interno mitocondrial membrana (quimiosmosis), cosa ta genera con un fuerza proton–motriz. Ta impulsa el energia del fuerza proton-motriz a impulsa con el enzima ATP sintasa a sintetiza con mas de ATP por el fosforilacion de ADP. Ta termina el transferencia de maga electron con el molecular oxigeno como el ultimo aceptor de maga electron.

Si hinde presente el oxigeno, hinde metabolizao el piruvato por el celular respiracion, sino que ta sufri el piruvato con un proceso de fermentacion. Hinde transportao el piruvato na el mitocondria, sino que ta permanece el piruvato na el citoplasma, donde convertio na maga celular desecho y deshecho del celula. Ta oxidiza esto con el maga transportador de maga electron, para que puede ellos volve a realize con el glucolisis y remove con el exceso piruvato. Ta oxidiza el fermentacion con NADH a NAD⁺ para que reusable esto na el glucolisis. Na ausencia de oxígeno, ta evita el fermentacion con el acumulacion de NADH na el citoplasma y ta proporciona con NAD⁺ para el glucolisis. Ta varia este producto de desecho segun el organismo. Na el maga esqueletico musculo, el producto de desecho es el lactico acido. Llamao tal fermentacion el lactico fermentacion.

Na el extenuante ejercicio, cuando ta excede el maga demanda de energia con el suministro de energia, hinde puede el respiratorio cadena procesa con todo el maga atomos de hidrogeno unio por el NADH. Durante el anaerobico glucolisis, ta regenera el NAD⁺ cuando ta combina el maga par de hidrogeno con el piruvato para forma con lactato. Ta cataliza el lactato deshidrogenasa con el formacion de lactato na un reversible reaccion. Puede tambien el lactato servi como un indirecto precursor del hepatico glucogeno. Durante el recuperacion, cuando disponible el oxigeno, ta adheri el NAD⁺ al hidrogeno del lactato para forma con ATP. Na el levadura, el maga producto de desecho son el etanol y el dioxido de carbono. Conocio tal fermentacion como el alcoholico fermentacion. Na este proceso ta genera el ATP el fosforilacion a nivel de sustrato, que hinde ta requeri con el oxigeno.

Fotosintesis

Artículo principal: Fotosintesis.

Ta transforma el fotosintesis con el solar luz na quimico energia, ta dividi con el agua para libera con O₂, y ta fija con el CO₂ na el azuca.

El fotosintesis es un proceso utilizao por el maga planta y otro maga organismo para converti con el radiante energia na quimico energia, liberable mas tarde para alimenta con el maga metabolico actividad del organismo a traves del celular respiracion. Almacenao este quimico energia na maga molecula de maga carbohidrato, como el maga azucar, sintetizao del dioxido de carbono y el agua.

Ta tene el fotosintesis con cuatro maga etapa: el absorcion, el transporte de maga electron, el sintesis de ATP y el fijacion de carbono.

El absorcion el inicial etapa del fotosintesis mediante el cual ta absorbe el maga pigmento de clorofila, unio al maga proteinas del maga membrana de tilacoide, con el radiante energia. Usao el radiante energia para elimina con maga electron de un donante (agua) a un primario aceptor de electrones, un quinona designao como Q.
Na el segundo etapa, ta move el maga electron desde el primario aceptor de electrones (el quinona), a traves de un serie de maga transportador de maga electron, hasta alcanza a un final aceptor de maga electron, por lo general, el oxidao forma de NADP⁺, reducio a NADPH, un proceso que ta ocurri na un proteico complejo llamao fotosistema I (PSI). Acoplao el transporte de maga electron al movimiento de maga proton (o hidrogeno) desde el estroma hasta el membrana de tilacoide, Analogo esto al fuerza proton–motriz generao a traves del interna mitocondrial membrana na el aerobico respiracion.
Durante el tercera etapa del fotosintesis, acoplao (a) el movimiento del maga proton a lo largo del de ellos maga [[gradiente de concentracion[[, desde el luz del tilacoide hasta el estroma a traves del sintasa ATP, a (b) el sintesis de ATP por el mismo sintasa ATP.
Ta proporciona el maga NADPH y el maga ATP —generao por el maga reaccion dependient del luz na el segundo y tercer maga etapa, respectivamente— con el energia y el maga electron para impulsa con el sintesis de glucosa mediante el fijacion del dioxido de atmosferico carbono na maga existente organico compuesto de carbono, como el bifosfato de ribulosa (RuBP) na un secuencia de maga reaccion independiente del luz (u oscuro) llamao el ciclo de si Calvin.

Celular comunicacion

Artículo principal: Celular comunicacion.

El celular comunicacion es el capacidad del maga celula para recibi, procesa y transmiti con maga señal con el de suyo entorno y consigo mismo. Puede el maga señal hinde quimico como el luz, el maga electrico impulso y el calor, o el maga quimico señal (o maga ligando) que ta interactia con el maga celular receptor, incuntrable incrustao na el celular membrana de otro celula o situao na el interior de un celula. Por lo general hay cuatro maga tipo de maga quimico señal: autocrino, paracrino, yuxtacrino y maga hormona.

Na el autocrino comunicacion, ta afecta el ligando con el mismo celula que ta libera conele. Puede el maga celula de maga tumor, por ejemplo, reproduci incontrolablemente kay ta libera con maga señal que ta inicia el de ellos propio autodivision.
Na el paracrino comunicacion, ta difundi el ligando al maga cercano celula y ta afecta con ellos. Por ejemplo, ta libera el maga cerebral celula llamao maga neurona con maga ligando llamao maga neurotransmisor que ta difundi a traves de un sinaptico hendidura para uni con un receptor na un adyacente celula, como otro neurona o un muscular fibra.
Na el yuxtacrino comunicacion, hay directo contacto entre el maga celulas de señalizacion y el maga de respuesta.
Por ultimo, el maga hormona son maga ligando que ta viaja a traves del maga circulatorio sistema del maga animal o el maga vascular sistema del maga planta para llega al de ellos celula de destino.

Al uni con un receptor, puede un ligando influi na el comportamiento de otro celula, dependiendo del tipo de receptor. Por ejemplo, puede el maga neurotransmisor que ta uni con un ionotropico receptor altera con el excitabilidad de un celula de destino.

Entre otro maga tipo de maga receptor hay maga receptor de proteina cinesa (p.ej. un receptor para el hormona insulina) y maga receptor acoplao a maga proteina G. Puede el activacion de maga receptor acoplao a maga proteina G inicia con maga cascada de segundo mensajero. El transduccion de señal es el proceso por el cual transmitio un quimico o fisico señal a traves de un celula como un serie de maga molecular evento.

Celular ciclo

Artículo principal: Celular ciclo.

Na el meiosis, ta duplica el maga cromosoma y ta intercambia el maga homologo cromosoma con el genetico informacion durante el meiosis I. Ta dividi de nuevo el maga celula anak na el meiosis II para forma con maga haploide gameto.

El celular ciclo es un serie de maga evento que ta ocurri na un celula y que ta hace que ta dividi este na dos maga celula anak. Ta inclui este maga evento con el replicacion de DNA y algun maga organulo, ademas del posterior particion del de suyo citoplasma na dos maga celula anak na un proceso llamao celular division. Na el maga eucariota (es deci, el maga animal, planta, hongo y protista) hay dos maga distinto tipo de celular division, mitosis y meiosis. El mitosis es parte del celular ciclo, na el que ta separa el maga replicao cromosoma na dos maga nuevo nucleo. Ta llega el celular division a dos maga geneticamnete identico celula donde ta queda el mismo el total numero de maga cromosoma. Por lo general, ta precede el etapa S del interfase (durante el que replicao el DNA) con el mitosis (division del nucleo), y ta segui con esto el telofase y el citocinesis, que ta dividi con el citoplasma, el maga organulo y el celular membrana de un celula na dos maga nuevo celula que ta contene con maga aproximadamente igual parte de este maga celular componente. Na resumen, ta defini el maga diferente etapa del mitosis con el mitotico fase del ciclo de un animal celula — el division del original celula na dos maga geneticamente identico celula anak. El celular ciclo es un vital proceso por el que ta desarrolla un unicelular cigoto na un maduro organismo, ademas del proceso por el que ta renova el pelo, el piel, el maga sanguineo celula y algun maga interno organo. Despues del celular division, ta empeza cada celula anak con el interfase de un nuevo ciclo. A diferencia del mitosis, ta dale lugar el meiosis a cuatro maga haploide celula anak al somete a un ronda de replicacion de DNA seguio de dos maga division. Ta separa el maga homologo cromosoma na el primer division (meiosis I) y el maga homologo cromatida na el segundo division (meiosis II). Usao ambo maga ciclo de celular division na el proceso de sexual reproduccion na algun punto na el vida del celula. Segun el maga cientificoPlantilla:Quien presente ambo maga proceso na el ultimo eucariota comun antecesor.

Puede tambien el maga procariota (es deci, el maga arquea y bacteria) experimenta con el celular division (o el binario fision). Hinde como el maga proceso de mitosis y meiosis na el eucariota, ta ocurri el binario fision na el procariota sin el formacion de un acromatico huso na el celula. Antes del binario fision, fuertemente enrollao el DNA na el bacterio. Despues de desenrolla y duplica, ta move al maga separao polo del bacterio a medida que ta aumenta el tamaño para prepara para el division. Ta empeza el crecimiento de un nuevo celular pared para separa con el bacterio (impulsao por el polimerizacion FtsZ y el formacion de un "anillo Z"). Ta desarrolla por completo el nuevo celular pared (tabique), llegando al completo division del bacterio. Ta tene el maga nuevo celula anak con maga fuertemente enrollao varilla de DNA, maga ribosoma y maga plasmido.

Sexual reproduccion y meiosis

El meiosis un central caracteristica del sexual reproduccion na el maga eucariota, y baka el mas fundamental funcion del meiosis es el conservacion del integridad del genoma transmitio al progenie por el maga padre. Dos maga aspecto del sexual reproduccion, el genetico recombinacion y el cruzamiento, fundamental al exito del sexual reproduccion gracias a, respectivamente, el maga adaptativo ventaja del recombinatorio reparacion del genomico daño del DNA y el genetico complementacion que ta enmascara con el expresion de maga deletereo recesivo mutacion.

El hibrido vigor o el heterosis es el beneficioso efecto del genetico complementacion, derivao del cruzamiento (cruzao fertilizacion). Segun si Charles Darwin, na el de suyo libro de 1878 El maga efecto del cruzao fertilizacion y el autofertilizacion na el vegetal reino ^{[lower-alpha 1]} al principo del aca-12 capitulo, "El primero y mas importante del maga conclusion extraible del maga observacion registrao na este volumen, es que, por log general, beneficioso el fertilizacion cruzao y a menudo perjudicial el autofertilizacion, al menos con el maga planta con ellos que ya experimenta yo."^{[lower-alpha 2]} Ta proporciona el genetico variacion, a menudo producio como un subproducto del sexual reproduccion, con maga ventajas a largo plazo para aquel maga sexual linaje dedicao al cruzamiento.

Genetica

Herencia

Artículo principal: Clasico genetica.

Cuadro de si Punnett representando con un cruce entre dos maga planta de guisante heterocigotico para maga purpura (B) y blanco (b) flor.

El genetica es el cientifico estudio del herencia. El mendeliano genetica, especificamente, es el proceso por el cual ta muda el maga gen y maga rasgo de maga padre a maga anak. Ta tene ele con cuanto principio. El primero es que discreto el maga genetico caracteristica, el maga alelo, y ta tene con maga alternativo forma (por ejemplo, purpura versus blanco o alto versus enano), cada uno heredao de uno del dos maga padre. Basao na el ley de dominancia y uniformidad, que ta establece que dominante algun maga alelo mientras que recesivo otro maga, ay mostra un organismo, con al menos un dominante alelo, con el fenotipo de aquel dominante alelo. Durante el formacion de maga gameto, ta segrega el maga alelo para cada gen, de modo que ta lleva cada gameto con un solo alelo para cada gen. Ta produci el maga heterocigotico individuo con maga gameto con igual frecuencia de dos maga alelo. Finalmente, ta establece el ley del independiente surtido que puede el maga gen de maga diferente rasgo segrega de independiente modo durante el formacion de maga gameto, es deci, hinde vinculao el maga gen. Ta inclui un excepcion a este regla con el maga rasgo vinculao al sexo. Realizable maga cruzamiento prueba para determinar experimentalmente con el subyacente genotipo de un organismo con un dominante fenotipo. Utilizable un cuadro de si Punnett para predeci con el maga resultao de un cruzamiento prueba. Ta afirma el maga experimento de si Thomas Hunt Morgan na Drosophila melanogaster (comunmente conocio como maga mosca del fruta) —que ya establece con el sexual relacion entre el color de los ojos y el sexo na este maga insecto— con el cromosomico teoria de si Sutton y si Boveri.

Maga gen y DNA

Véanse también: Gen y DNA.

Ta yace dos maga base entre dos maga hebra na espiral de DNA.

Un gen es un unidad de genetico herencia que ta corresponde a un region del desoxirribonucleico acido (DNA) que ta transporta con genetico informacion que ta controla con el forma o funcion de un organismo. Compuesto el DNA de dos maga cadena de maga polinucleotido que ta enrolla alrededor de si mismo para forma con un doble helice de nucleico acido. Incuntrao ele como maga lineal cromosoma na el maga eucariota y el maga circular cromosoma na el maga procariota. Colectivamente conocio como el genoma el conjunto de maga cromosoma na un celula. Na el maga eucariota, ta queda el DNA mayoritariamente dentro del celular nucleo. Na el maga procariota, ta queda el DNA dentro del nucleoide. Ta queda el genetico informacion dentro de maga gen, y el genotipo el completo ensamblaje na un organismo. El replicacion de DNA es un semiconservativo proceso donde ta servi cada hebra como plantilla para un nuevo hebra de DNA. El maga mutacion son maga hereditario cambio na el DNA. Puede ellos ocurri espontaneamente como resultao de maga error de replicacion hinde corregio por el revision, o puede ellos queda inducio por un medioambiental mutageno como un quimico producto (p.ej. el nitroso acido o el benzopireno) o el radiacion (p.ej. el radiacion de maga X, maga gamma o maga ultravioleta rayo, o maga particula emitio por maga inestable isotopo). Puede el maga mutacion llega a maga fenotipico efecto, como el perdida de funcion, el ganancia de funcion y el maga condicional mutacion. Beneficioso algun maga mutacion kay ellos un fuente del genetico variacion necesario para el evolucion. Perjuicio otro maga si ta dale ellos lugar a un perdida de funcion del maga gen necesario para el supervivencia del organismo.

Genico expresion

Artículo principal: Genico expresion.

Ta inclui el extendio central dogma del molecular biologia con todo el maga proceso implicao na el flujo de genetico informacion.

El genico expresion es el molecular proceso por el cual ta dale lugar un genotipo codificao na el DNA a un observable fenotipo na el maga proteina del cuerpo de un organismo. Ta resumi este proceso el central dogma del molecular biologia formulao por si Francis Crick na 1958. Segun el central dogma, ta flui el genetico informacion del DNA al RNA al maga proteina. Hay dos maga proceso de genico expresion: el transcripcion (del DNA al RNA) y el traduccion (del RNA al maga proteina).

Genico regulacion

Artículo principal: Regulacion del genico expresion.

Puede el regulacion del genico expresion —por maga medioambiental factor y durante el maga diferente etapa de desarrollo— ocurri na cada etapa del proceso, como el transcripcion, el empalme de RNA, el traduccion y el postraduccional modificacion de un proteina. Puede el positivo o negativo regulacion influencia con el genico expresion, dependiendo de cual del dos maga tipo de maga regulador proteina, llamao maga factor de transcripcion, ta uni al secuencia de DNA cerca o dentro de un promotor. Un operon (incuntrao principalmente na maga procariota y algun maga inferior eucariota, p.ej. Caenorhabditis elegans) es un grupo de maga gen que ta comparti con el mismo promotor. Na el positivo regulacion del genico expresion, el activador es el factor de transcripcion que ta estimula con el transcripcion cuando ta uni al secuencia cerca o dentro del promotor. Na el negativo regulacion, ta uni otro factor de transcripcion, llamao un represor, a un secuencia de DNA llamao un operador (parte de un operon) para evita con el transcripcion. Inhibible el maga represor por maga compuesto llamao maga inductor (p.ej. el alolactosa) que ta permiti con el transcripcion. El maga inducible gen son maga especifico gen activable por maga inductor, na contraste con el maga casi constantemente activo constitutivo gen. Na contraste con ambo maga, ta codifica el maga estructural gen con maga proteina hinde implicao na el genico regulacion. Ademas del maga regulatorio evento involucrando con el promotor, tambien regulable el genico expresion por maga epigenetico cambio al cromatina, un complejo de DNA y proteina incuntrao na el maga eucariota celula.

Maga gen, el desarrollo y el evolucion

Artículo principal: Evolutivo biologia del desarrollo.

El desarrollo por el que ta experimenta un pluricelular organismo (o planta o animal) con un serie de maga cambio, partiendo de un solo celula, y adoptando con maga diverso forma caracteristica del de suyo ciclo de vida. Hay cuatro maga proceso clav que ta subyace con el desarrollo: el determinacion del celular destino, el celular diferenciacion, el morfogenesis y el crecimiento.

Ta establece el determinacion con el destino del desarrollo de un celula, que ta queda mas restrictivo durante el desarrollo.
El diferenciacion es el proceso por el cual ta forma maga celula especializao de maga celula menos especializao, como el maga celula madre. El maga celula madre son maga indiferenciao o parcialmente diferenciao celula capaz de diferencia na cuanto tipo de maga celula y prolifera indefinidamente para produci con mas del mismo celula madre. Dramaticamente ta cambia el celular diferenciacion con el tamaño, forma, potencial de membrana, metabolico actividad y capacidad de respuesta al maga señal, na gran parte debio a maga altamente controlao modificacion na el genico expresion y el epigenetica. Con poco maga excepcion, casi nunca ta involucra el celular diferenciacion con un cambio na el secuencia de DNA mismo. Ansina, puede maga diferente celula tene con maga muy diferente fisica caracteristica a pesar de tene con el mismo genoma.
El morfogenesis, o el desarrollo del corporal forma, es el resultao de maga espacial diferencia na el genico expresion. Ta controla un chico fraccion del maga gen na el genoma de un organismo, llamao el genico caja de maga herramienta del evo-devo, con el desarrollo de dicho organismo. Altamenta conservao este caja de maga herramienta entre maga filo, que ta significa que antiguo ellos y muy similar na maga grupo de maga animal muy separao. Ta afecta el maga diferencia, na el despliegue del maga gen del caja de maga herramienta, con el corporal plan y el numero, el identidad y el patron del maga parte del cuerpo. Entre el maga mas importante gen de este caja de maga herramienta son el maga gen Hox. Ta determina el maga gen Hox donde ay crece el maga repetitivo parte, como el manada vertebra del maga serpiente, na un embrion o larva na desarrollo.

Evolucion

Maga evolutivo proceso

Artículo principal: Evolutivo biologia.

Natural seleccion para maga mas oscuro rasgo.

El evolucion es un central organizador concepto na el biologia. Es el cambio na el maga caracteristica heredable del maga poblacion a lo largo de maga sucesivo generacion. Na el artificial seleccion, criao selectivamente el maga animal para maga especifico rasgo. Debio a que heredao el maga rasgo, que ta contene el maga poblacion con un variao mezcla de maga rasgo, y que capaz el reproduccion de aumenta con cualquier poblacion, ya argumenta si Charles Darwin que na el natural mundo, ya desempeña el naturaleza con el papel del maga humano na el seleccion de maga especifico rasgo. Ya deduci si Darwin que ta tene algun maga individuo —que ya posee con maga hereditario rasgo mejor adaptao al de ellos maga entorno— con mas probabilidad de sobrevivi y produci con mas descendencia que otro maga individuo. Ademas ya deduci ele que ya llega esto al acumulacion de maga favorable rasgo a lo largo de maga sucesivo generacion, aumentando ansina con el coincidencia entre el maga organismo y el de ellos entorno.

Especiacion

Artículo principal: Especiacion.

Un especie es un grupo de maga organismo que ta aparea entre si. El especiacion es el proceso por el cual ta dividi un linaje na dos maga linaje como resultao de evoluciona independientemente el uno del otro. Para que ta ocurri el especiacion, hay que existi reproductivo aislamiento. Puede el reproductivo aislamiento queda el resultao de maga incompatibilidad entre gen, tal como ta describi el modelo Bateson–Dobzhansky–Muller. Tambien ta tende el reproductivo aislamiento a aumenta con el genetico divergencia. Puede el especiacion ocurri cuando ta existi maga fisica barrera que ta dividi con un ancestral especie, proceso conocio como el alopatrico especiacion.

Filogenia

Artículo principal: Filogenia.

Plantilla:PhylomapB Un filogenia es un evolutivo historia de un especifico grupo de maga organismo o del de ellos maga gen. Representable ele mediante un filogenetico pono, un diagrama mostrando con el maga linea de descendencia entre el maga organismo o el de ellos maga gen. Ta representa cada linea dibujao na el temporal eje de un pono con un linaje de maga descendiente de un especie o poblacion na particular. Cuando ta bifurca (o ta trifurca, etc.) un linaje, representao esto como un bifurcacion o division na el filogenetico pono. El maga filogenetico pono son el base para compara y agrupa con maga especie diferente. Cuando ta comparti maga diferente especie con un caracteristica heredao de un comun ancestro, ta deci kita que ta tene ellos con un homologo raso (o sinapomorfia). Ta proporciona el filogenia con el base del biologico clasificacion. Basao na el rango este sistema de clasificacion. El mas alto rango es el dominio, seguio por reino, filo, clase, orden, familia, genero y especie. Clasificable todo el maga organismo como maga miembro de uno de tres maga dominio: Archaea (originalmente Archaebacteria), maga bacteria (originalmente maga eubacteria) y maga eucariota (ta inclui el maga reino del maga protista, el maga hongo, el maga planta y el maga animal).

Historia del vida

Artículo principal: Historia del vida.

Ta traza el historia del vida na el Tierra paquemodo ya evoluciona el maga organismo desde el mas temprano aparicion del vida hasta el maga dia de kanaton. Ya forma el Tierra hace alrededor de 4.5 maga mil millon de maga año, y ya descende todo el vida na el Tierra, o vivo o extinto, de un ultimo universal comun antepasao que ya vivi hace alrededor de 3.5 maga mil millon de maga año. Ya desarrolla el maga geologo con un geologico temporal escala que ta dividi con el historia del Tierra na maga principal division, comenzando con cuatro maga eon (el hadico, el arcaico, el proterozoico y el fanerozoico eon). Colectivamente conocio el primer tres maga eon como el precambrico, que ya dura aproximadamente 4 maga mil millon de maga año. Divisible cada eon na maga era, y divisible el fanerozoico eon, que ya comenza hace 539 maga millon de maga año, na el maga paleozoica, mesozoica y cenozoica era. Ta comprende este tres maga era con once maga periodo: (1) el cambrico, (2) el ordovicico, (3) el silurico, (4) el devonico, (5) el carbonifero, (6) el permico, (7) el triasico, (8) el jurasico, (9) el cretacico, (10) el terciario y (11) el cuaternario.

Ta indica el maga similitud (entre todo el maga actualmente conocio especie) que ya divergi, a traves del proceso de evolucion, del de ellos comun ancestro. Ta considera el maga biologo con el ubicuidad del genetico codigo como evidencia de un universal comun antepasao para todo el maga bacteria, el maga arquea y el maga eucariota. Maga microbiano estera de maga coexistente bacteria y arquea fue el dominante forma de vida na el temprano arcaico eon y seguro ya ocurri na este entorno manada del maga inicial paso na el temprano evolucion, y masquen baka presente mas temprano, ya acelera el de ellos diversificacion cuando ya comenza ellos a usa con oxigeno na el de ellos metabolismo. Mas tarde, hace alrededor de 1.7 mil millon de maga año, ya comenza a aparece maga pluricelular organismo, con maga diferenciao celula realizando con maga especializao funcion.

Datao a un mil millon de maga año maga pluricelular terrestre planta similar al maga alga, masquen ta sugeri el evidencia que ya forma el maga microorganismo con el maga mas temprano terrestre ecosistema, hace por lo menos 2.7 mil millon de maga año. Creio que ya allana el maga microorganismo con el camino para el inicio del maga terrestre planta na el ordovicico periodo. Tan exitoso el maga terrestre planta que creio que ya contribui ellos al masivo extincion del devonico.

Ya aparece el biota del ediacarico periodo durante el ediacarico periodo, mientras que ya origina el maga vertebrao, junto con el mayoria del otro maga moderno filo, hace alrededor de 525 maga millon de maga año durante el cambrico explosion. Durante el permico periodo, ya domina el maga sinapsido, incluio el maga antepasao del maga mamifero, con el tierra, pero ya queda extinto el mayoria de este grupo na el masivo extincion del Permico-Triasico haca 252 maga millon de maga año. Durante el recuperacion de este catastrofe, ya queda el maga arcosaurio el maga mas abundante terrestre vertebrao; ya domina un grupo de maga arcosaurio, el maga dinosaurio, con el jurasico y cretacico periodo. Despues del masivo extincion del Cretacico-Paleogeno hace 66 maga millon de maga año, que ya mata con el maga hinde aviar dinosaurio, ya experimenta el maga mamifero y maga pajaro con un adaptativo radiacion. Baka ya acelera tal masivo extincion con el evolucion, proporcionando con maga oportunidad para el diversificacion de maga nuevo grupo de maga organismo.

Diversidad

Bacteria y Archaea

Véase también: Microbiologia.

Bacteria — Gemmatimonas aurantiaca (-=1 micrometro).

El maga bacteria son un tipo de celula que ta constitui con un gran dominio de maga procariota microorganismo. Por lo general, unos poco micrometro de longitud, ta tene maga bacteria con cuanto forma, desde maga esfera hasta maga barra y maga espiral. El maga bacteria entre el maga primer forma de vida que ya aparece na el Tierra, y presente ellos na el mayoria del de suyo maga habitat. Ta habita el maga bacteria na el suelo, el agua, maga termal agua acido, el radiactivo residuo y el profundo biosfera del terrestre corteza. Tambien ta vivi el maga bacteria na maga simbiotico y parasitico relacion con maga planta y maga animal. Hinde caracterizao el mayoria del maga bacteria, y ta tene alrededor de 27 por ciento del maga bacteriano filo lang con maga especie cultivable na un laboratorio.

Ta constitui el maga arquea con el otro dominio del maga procariota celula y clasificao ellos inicialmente como maga bacteria, recibiendo con el nombre de maga arqueobacteria (na el reino Archaebacteria), un termino hinde usao pa. Ta tene el maga celula de maga arquea con maga distinto propiedad separando con ellos del otro dos maga dominio, Bacteria y Eukaryota. Dividio el maga arquea na multiple reconocio filo. Generalmente similar el maga arquea y el maga bacteria na cuanto al tamaño y el forma, masquen ta tene unos arquea con maga muy distinto forma, como el maga plano y cuadrao celula de Haloquadratum walsbyi.A pesar de este morfologico similitud con el maga bacterias, ta posee el maga arqueas con maga gen y cuanto metabolico via mas estrechamente relacionao con el maga del maga eucariota, notablemente para el maga enzima involucrao na el transcripcion y el traduccion. Distinto otro maga aspecto del bioquimica del maga arquea, como el de ellos dependencia del maga eter lipido na el de ellos celular membrana, incluio el maga arqueol. Ta utiliza el maga arquea con mas maga fuente de energia que el maga eucariota: desde maga organico compuesto, como maga azucar, hasta amoniaco, maga metalico ion o incluso gas de hidrogeno. Ta utiliza el maga halofilo arquea (el maga Haloarchaea) con el solar luz como un energetico fuente, y ta participa otro maga especie del maga arquea na el fijacion de carbon, pero hinde como el maga planta y el maga cianobacteria, hinde ta hace ningun conocio especie de Archaea con ambo maga. Ta utiliza el maga arquea con asexual reproduccion por el binario fision, el fragmentacion o el gemacion; hinde como el maga bacteria, hinde ta forma ningun conocio especie de Archaea con maga endospora.

El primer maga observao arquea fueron el maga extremofilo, habitando na maga extremo entorno, como maga termal agua y maga salao lago sin ningun otro organismo. Ya llega el maga mejorao herramienta de molecular deteccion al descubrimiento de maga arquea na casi todo el maga habitat, incluio el suelo, el maga oceano y el maga marisma. Particularmente numeroso el maga arquea na el maga oceano, y el maga arquea na el maga plancton baka uno del maga grupo de maga mas abundante organismo del planeta.

El maga arquea son un gran parte del vida del Tierra. Ellos son parte del microbiota de todo el maga organismo. Na el humano microbiota, importante ellos na el barriga, el boca y el piel. Gracias al de ellos morfologico, metabolico y geografico diversidad, ta desempeña ellos con multiple ecologico rol: el fijacion de carbono; el ciclo del nitrogeno; el rotacion de maga organico compuesto; y el mantenimiento de maga microbiano simbiotico y sintrofico comunidad, por ejemplo.

Maga eucariota

Artículo principal: Eucariota.

Euglena, un unicelular eucariota capaz de move y fotosintetiza.

El hipotesis es que ya bifurca el maga eucariota del maga arquea, seguio por el de ellos maga endosimbiosis con el maga bacteria (o el simbiogenesis) que ya llega al maga mitocondria y el maga cloroplasto, que ta forma ya con parte del maga moderno eucariota celula. Ya diversifica el maga principal linaje de maga eucariota na el precambrico hace unos 1,500 maga millon de maga año y clasificable ellos na ocho maga principal clado: Alveolata, Excavata, Heterokonta (o Stramenopiles), Plantae, Rhizaria, Amoebozoa, Fungi y Animalia. Colectivamente conocio cinco de este maga clado como el maga protista, mayoritariamente maga microscopico eucariota organismo hinde maga planta, maga hongo ni maga animal. Masquen seguro que ta comparti el maga protists con un comun antepasao (el ultimo eucariota comun antepasao), hinde ta constitui el maga protista mismo con un distinto clado, debio a que baka mas estrechamente relacionao algun maga protista a maga planta, maga hongo o maga animal que a otro maga protista. Al igual que maga agrupacion como maga alga, maga invertebrao o maga protozoo, el protista agrupacion hinde un formal taxonomico grupo, sino un termino de conveniencia. Unicelular el mayoria del maga protista; denominao este maga como maga microbial eucariota.

El maga planta son mayoritariamente maga pluricelular organismo, maga predominantemente fotosintetico eucariota del reino Plantae, cosa ta exclui con maga hongo y algun maga alga. Derivao el maga vegetal celula por endosimbiosis de un cianobacteria na un temprano eucariota hace alrededor de un mil millon de maga año, que ya llega al maga cloroplasto. Acuatico el maga primer clado que ya surgi despues del primario endosimbiosis. Poreso alga es un colectivo termino para el mayoria del maga acuatico, fotosintetico, eucariota organismo, masquen hinde estrechamente relacionao todo el maga alga. Ta comprende gayot el maga alga con cuanto distinto clado, por ejemplo el maga glaucofita, que son maga microscopico alga de dulce agua, con un forma baka similar al del temprano unicelular antecedente de Plantae. Hinde como el maga glaucofita, multicelular el otro maga algal clado como el maga rojo y verde alga. Ta comprende el maga verde alga con tres maga principal clado: Chlorophyta, Coleochaetophyceae y Charales.

El maga hongo son maga eucariota que ta digeri con maga alimento fuera del de ellos maga cuerpo mismo, secretando con maga digestivo enzima que ta descompone con el maga gran molecula del maga alimentos antes de absorbe con ellos a traves del de ellos maga celular membrana. Manada hongos son maga saprobio, alimentando de muerto organico materia, y ansina maga importante descomponedor na maga ecosistema.

El maga animal son maga pluricelular eucariota. Casi sin excepcionPlantilla:Fix/category^{[clarification needed]}, el maga animal ta consumi con organico materia, ta respira oxigeno, puede move, ta participa na el sexual reproduccion y ta crece a partir de un hueco esfera de maga celula, el blastula, durante el embriogenesis. Hay maga descripcion de mas de 1.5 millon de maga existente animal especie —mas de un millon de este maga son maga insecto— pero segun maga estimacion hay mas de 7 maga millon de maga animal especie na total. Ta mostra el maga animal con maga complejo interaccion entre ellos y con el medioambiente, formando con intrincao trofico red.

Maga virus

Artículo principal: Virus.

Maga bacteriofago adjunto a un bacterial celular pared.

El maga virus son maga submicroscopico patogeno que ta replica dentro del maga celula de maga organismo. Ta infecta el maga virus con todo tipo de maga forma de vida, desde maga animal y maga planta hasta maga microorganismo, incluio maga bacteria y maga arquea. Descrito na detalle mas de 6,000 maga especie de virus. Incuntrao maga virus na casi cada ecosistema na el Tierra y son ellos el mas numeroso tipo de biologico entidad.

Confuso el maga origen del maga virus na el evolutivo historia del vida: baka ya evoluciona algun maga desde maga plasmido —maga fragmento de DNA capaz de move entre maga celula— mientras que baka ya evoluciona otro maga desde maga bacteria. Na el evolucion, el maga virus son un importante modo de horizontal genetica transferencia, que ta aumenta con el genetico diversidad de un modo analogo al sexual reproduccion. Kay ta posee el maga virus con algun maga, pero no todo maga, característica del vida, considerao ellos como "maga organismo al borde del vida"^[1] y como maga autorreplicador.

Ecologia

Artículo principal: Ecologia.

El ecología es el estudio del distribucion y abundancia del vida, el interaccion entre el maga organismo y el de ellos medioambiente.

Maga ecosistema

Artículo principal: Ecosistema.

Un ecosistema es un comunidad de maga vivo (biotico) organismo na conjuncion con el maga hinde vivo (abiotico) componente (por ejemplo, agua, luz, radiacion, temperatura, humedad, atmosfera, acidez y suelo) del de ellos medioambiente. Vinculao este maga biotico y abiotico componente gracias a maga ciclo de maga nutriente y maga flujo de energia. Ta entra solar energia na el sistema mediante el fotosintesis y ta queda incorporao na el vegetal tejio. Ta move el maga animal, al alimenta de maga planta y otro maga animal, con materia y energia a traves del sistema. Tambien influi ellos na el cantidad de presente vegetal y microbiano biomasa. Al fracciona con el muerto organico materia, ta libera el maga descomponedor con carbono al atmosfera, y ta facilita ellos con el ciclo de maga nutriente, al convertir con maga nutriente, almacenao na el muerto biomasa, na una forma utilizable facilmente por el maga planta y otro maga microbio.

Maga poblacion

Artículo principal: Ecologia de maga poblacion.

(Na ingles) Alcanzar al capacidad de carga a traves de un logistico curva de crecimiento.

Un poblacion es el grupo de maga organismo del mismo especie que ta ocupa con un region y ta reproduci de generacion na generacion. Estimable el tamaño del poblacion multiplicando con el densidad de poblacion por el area o volumen. El capacidad de carga de un medioambiente es el maximo tamaño del poblacion de un especie sostenible por aquel especifico entorno, na relacion con el maga alimento, habitat, agua y otro maga natural recurso disponible. Afectable el capacidad de carga de un poblacion por maga cambiante ambiental condicion, como maga cambio na el disponibilidad de maga recurso y el costo de mantene con ellos. Na el maga humano poblacion, ya aumenta el capacidad de carga del Tierra para el maga humano a lo largo del tiempo, gracias al verde revolucion, cosa ya obstaculiza con el maga intento de prediccion de un inminente disminucion del poblacion, mas famosamente por si Thomas Malthus na el aca-18 siglo.

Maga comunidad

Artículo principal: Comunidad (ecologia).

Un (a) trofico piramide y un (b) simplificao trofico red. Ta representa el trofico piramide con el biomasa a cada nivel.

Un comunidad es un grupo de maga poblacion de maga especie que ta ocupa con el mismo geografico area al mismo tiempo. Un biologico interaccion es el efecto que ta tene entre si un par de maga organismo que ta vivi juntos na un comunidad. Puede ellos del mismo especie (maga intraespecifico interacciones) o de maga diferente especie (maga interespecifico interacciones). Puede este maga efecto pueden a corto plazo, como el polinizacion o el depredacion, o a largo plazo; Ta sole ambo maga influi fuertemente con el evolucion del maga implicao especie. Un simbiosis es un interaccion a largo plazo. Ta anda el maga simbiosis desde el mutualismo, beneficioso para ambo maga miembro del pareja, hasta el intraespecifico competencia, perjudicial para ambo maga.

Ta participa cada especie como consumidor, recurso, o ambo maga, na el maga interaccion consumidor-recurso, que ta forma con el nucleo de maga trofico cadena o maga trofico red. Hay maga diferente trofico nivel dentro de cualquier trofico red, el mas bajo siendo el maga primario productor (o maga autotrofo), como maga planta y maga alga, que ta converti con el energia y el inorganico materia na maga organico compuesto, utilizable mas tarde por el resto del comunidad. Al proximo nivel el maga heterotrofo, el maga especie que obtene con energia descomponiendo con el maga organico compuesto de otro maga organismo. El maga heterotrofo que ta consumi con maga planta son maga primario consumidor (o maga herbivoro), mientras que el maga heterotrofo que ta consumi con maga herbivoro son maga secundario consumidor (o maga carnivoro). Tambien hay maga terciario consumidor, mientas que puede el maga omnivoro heterotrofo consumi con alimento a multiple nivel. Por ultimo, hay el maga descomponedor, que ta alimenta del maga producto de desecho o maga muerto cuerpo del maga organismo. Na promedio, el total cantidad de energia incorporao na el biomasa de un trofico nivel por unidad de tiempo es aproximadamente un decimo parte del energia del trofico nivel que ta consumi ele. Ta constitui el maga desecho y el muerto material utilizao por el maga descomponedor, ansina como el calor perdio del metabolismo, el otro noventa por ciento del energia hinde consumio por el siguiente trofico nivel.

Biosfera

Artículo principal: Biosfera.

(Na ingles) El rapido ciclo de carbono mostrando con el movimiento de carbono entre el suelo, el atmosfera y el maga oceanos na maga gigatonelada por año. El maga amarillo numero son maga natural flujo, el maga rojo maga humano contribucion, el maga blanco el carbono almacenao. Hinde incluio el maga efecto del lenta ciclo de carbono, como el volcanico y tectonico actividad.

Na el global ecosistema o biosfera, ta existi el materia como maga diferente compartimento que ta interactua, o biotico o abiotico, o accesible o inaccesible, dependiendo del de ellos maga forma y maga ubicacion. Por ejemplo, biotico y accesible a otro maga organismo el materia na maga terrestre autotrofo, mientras que abiotico e inaccesible el materia na maga roca y maga mineral. Un biogeoquimico ciclo es un via por el cual ta voltea —es deci, ta move ellos a traves del maga biotico (biosfera) y abiotico (litosfera, atmosfera e hidrosfera) compartimento del Tierra— especifico elemento del materia. Hay maga biogeoquimico ciclo para el nitrogeno, el carbono y el agua.

Conservacion

Artículo principal: Biologia del conservacion.

El biologia del conservacion es el estudio del conservacion del biodiversidad del Tierra con el objetivo de protege con el maga especie, el de ellos maga habitat y maga ecosistema de maga excesivo tasa de extincion y del erosion del maga biotico interaccion. Ta trata ele con maga factor que ta influi na el mantenimiento, el perdida y el restauracion del biodiversidad, y con el ciencia del mantenimiento del maga evolutivo proceso que ta engendra con el diversidad de maga gen, de maga poblacion, de maga especie y de maga ecosistema. Derivao el preocupacion del maga estimacion que ta sugeri que ay desaparece, na el maga proximo 50 maga año, hasta el 50% de todo el maga especie del planeta, que ta contribui al pobreza y el hambre de este maga tiempo, y que ay restablece con el curso del evolucion na este planeta. Ta afecta el biodiversidad con el funcionamiento del maga ecosistema, que ta proporciona con un gran variedad de maga servicio del que ta depende el humanidad. Ta investiga y ta educa el maga conservacionista biologo sobre el maga tendencia de perdida de biodiversidad, el extincion de maga especie y el negativo efecto que ta tene este maga na el de kanaton maga capacidad para sostene con el bienestar del humano sociedad. Ta responde maga organizacion y maga ciudadano al actual crisis de biodiversidad mediante maga plan de accion de conservacion que ta dirigi con maga programa de investigacion, de monitoreo y de educacion, que ta aborda con el maga preocupacion del maga ciudadano, a local y global escala.

Mira tambien

Biologia na el ficcion
Cientifico turismo
Glosario del biologia
Lista de maga biologico revista
Lista de maga biologico sitio web
Lista de maga biologico tema
Lista de maga biologo
Lista de maga omico tema na el biologia
Maga ciencia del vida
National Association of Biology Teachers
Periodico tabla del maga ciencia del vida na el cuatro maga pregunta de si Tinbergen
Resumen del biologia
Terminologia del biologia

Maga referencia

↑ «The classification of organisms at the edge of life, or problems with virus systematics». South African Journal of Science 86: pp. 182–86. 1990.

Maga nota

↑ Na ingles, The Effects of Cross and Self-Fertilization in the Vegetable Kingdom.
↑ Na ingles, "The first and most important of the conclusions which may be drawn from the observations given in this volume, is that generally cross-fertilisation is beneficial and self-fertilisation often injurious, at least with the plants on which I experimented."

[ReferenceA-3] «The classification of organisms at the edge of life, or problems with virus systematics». South African Journal of Science 86: pp. 182–86. 1990.

[1] Na ingles, The Effects of Cross and Self-Fertilization in the Vegetable Kingdom.

[2] Na ingles, "The first and most important of the conclusions which may be drawn from the observations given in this volume, is that generally cross-fertilisation is beneficial and self-fertilisation often injurious, at least with the plants on which I experimented."

[lower-alpha 1]

[lower-alpha 2]

[1]