Ciudad de Zamboanga
Ciudad de Zamboanga | |
|---|---|
Ciudad altamente urbanizada | |
 | |
 Bandera  Sello | |
 Mapa de Península de Zamboanga con Ciudad de Zamboanga resaltado | |
 | |
| Coordenadas: 6°54'15"N, 122°4'34"E | |
| Nación | Filipinas |
| Región | Península de Zamboanga |
| Provincia | Península de Zamboanga |
| Número de barangay | 98 |
| Fundación | 1635 |
| Gobierno | |
| • Type | ayuntamiento |
| • Electorado | Error en la secuencia de órdenes: la función «getValue» no existe. votantes (9 Mayo 2022) |
| Superficie | |
| • Total | 1,414,7 km2 (0,546 sq mi) |
| Elevation | 96 m (315 ft) |
| Populación (1 Mayo 2020) | |
| • Total | 977,234 |
| • Densidad | 690/km2 (1800/sq mi) |
| • Hogares | 227,352 |
| Economía | |
| • Clase de ingresos | el primera clase clase de ciudad |
| • Incidencia de la pobreza | Error en la secuencia de órdenes: la función «getValue» no existe.% (Error: fecha y hora no válidas.)[2] |
| • Ingresos | ₱ <strong4a4df3e5">Error (Error: fecha y hora no válidas.) |
| • Activos | ₱ <strong4a4df3e5">Error (Error: fecha y hora no válidas.) |
| • Pasivos | ₱ <strong4a4df3e5">Error (Error: fecha y hora no válidas.) |
| • Gastos | ₱ <strong4a4df3e5">Error (Error: fecha y hora no válidas.) |
| Huso horario | UTC+8 (PST) |
| Código postal | 7000 |
| PSGC | |
| Código telefonico | 62 |
| Lenguaje nativo | Subanon Cebuano Chavacano Tagalog |
| Website | http://www.zamboanga.gov.ph/ |
Ciudad de Zamboanga el primera clase clase de ciudad na provincia de Península de Zamboanga, Filipinas. Tiene este zona de 1,414.7 kilometro cuadrado. Comporme del 1 Mayo 2020 censo, este tiene papulidad de 977,234 personas y 227,352 hogares. El designada codigo postal 7000 y PSGC 097332000.
Ciudad de Zamboanga uno también del maga primero que ya tene estado na país.El Commonwealth Act No. 39 que ya firma el antes presidente Manuel L. Quezon na Palacio de Malacañang del 12 de Octubre, 1936 ya crea y ya establece con este ciudad como un de estado clase de ciudad. El ciudad como se llama también el Orgullo de Mindanao y su palayao como el Ciudad de las Flores. También llamado entre maga Zamboangueños como Zamboanga Hermosa y Bella Zamboanga. Este tiempo, el gobierno local del ciudad ta promove con el ciudad na turismo como el Ciudad Latina de Asia.
El cumpleaño de este ciudad es cada Octubre 12 amo tambien el fecha del Fiesta del Pilar que ta celebra por el honor del Santa Patrona del Ciudad, el Real Fuerza de Nuestra Señora La Virgen del Pilar de Zaragoza donde su estatua grabao arriba y enfrente del Fuerza Pilar, un fuerta de piedra - llamado tambien na su maga primera dia como el Fuerza de San Jose - que ya construi el maga Españoles, bajo principalmente con el Padre Jesuito Melchor de Vera del 23 de Junio, 1635 como un defensa contra con el maga moro piratas na Mindanao. El Ciudad de Zamboanga es uno de maga mas vieja ciudad en las Filipinas y el de todo tene mas herencia Hispanico. Este ciudad también es uno del maga bien grande ciudad na entero mundo con 1,480 km² y 28 maga alrededor el isla.
Segun con el censo del año 2000, el Zamboanga tiene poblacion de mas o menos 601,794 de maga residentes na mas o menos 177,152 del maga casas. Ahora este tiempo, estimado que el ciudad tene ya mas o menos un millones de maga residentes. Conforme, este el aca-seis mas populado ciudad na entero nación. Este ciudad esta centro de commercio y negocio, maga servicios de buen salud, y educación na entero region de oeste Mindanao. Este ciudad también el sitio del Zamboanga City Special Economic Zone Authority (como se llama el Zambo Ecozone).
El maga residente o el maga Zamboangueños hablante un clase de único lenguaje criollo como se llama Chavacano de Zamboanga que 80% de su Ortografía desde idioma Castellano y 20% mezclado de otros idiomas astronesiano como Cebuano o Bisaya,Ilonggo o Hiligaynon, Subanon-Subanen, Yakan, Tausug, Sama-Bangingi, y también Portugues, Italiano, Quechua, Taino, Nahautl y Mexicano-Indiano.
El Ciudad de Zamboanga tene tres universidades: el Ateneo de Zamboanga University (Universidad Ateneo de Zamboanga), Western Mindanao State University (Universidad Estado de Oeste Mindanao) - un universidad del estado, y el Universidad de Zamboanga. Con este ciudad tambien ya establece el primera diocesis na Mindanao. El ahora Arzodiocesis de Zamboanga ya crea del año 1910 y ya hace subi con este como arzobispero del año 1958.
Demografía
revisa| Año | Populación | ±% p.a. |
|---|---|---|
| 1903 | 20 692 | — |
| 1918 | 42 007 | +4.83% |
| 1939 | 43 894 | +0.21% |
| 1948 | 103 317 | +9.98% |
| 1960 | 131 489 | +2.03% |
| 1970 | 199 901 | +4.27% |
| 1975 | 265 023 | +5.82% |
| 1980 | 343 722 | +5.34% |
| 1990 | 442 345 | +2.56% |
| 1995 | 511 139 | +2.75% |
| 2000 | 601 794 | +3.56% |
| 2007 | 774 407 | +3.54% |
| 2010 | 807 129 | +1.52% |
| 2015 | 861 799 | +1.26% |
| 2020 | 977 234 | +2.50% |
| Ref: Autoridad de Estadísticas de Filipinas[3][4][5][6] | ||
Geografía
revisaLocación
revisaEl ciudad es na sur y punta del Peninsula de Zamboanga, na isla de Mindanao. Este ciudad es 460 miles de nautico sur de Manila, 365 miles de nautico norte-este de Kota Kinabalu na Malaysia, y 345 miles de nautico norte-este de Manado na Indonesia. Na oeste de este ciudad amo el Mar de Sulu, na este, el Golfo de Moro, y na sur, el Aprieto de Basilan y Mar de Celebes. El ciudad es uno y media hora de lejos desde Manila por medio de aeroplano y un hora de lejos tambien desde'l maga ciudades de Cebu y Davao.
Clima
revisaEl ciudad tiene natural y suave clase de clima con seco o mojado temporada - seco desde Noviembre hasta Mayo y mojado na otro maga meses del año.
El maga ciclones tropical o maga como se llama 'tifon' ralo. Este por causa el ciudad es afuera del 'typhoon belt'. El calor medio temperatura cerca na 27 °C o 80.6 °F y el cada año aguacero es 1,362.01 mm.
Maga Isla
revisaEl Ciudad de Zamboanga tiene 28 maga islas fuera del costa de su mayoria terreno. Oficialmente, este maga islas es en posesion del ciudad y bajo na poder del ciudad. Tiene de estos maga islas, ocupado de gente; tiene, sin ocupado. El maga otro islas tambien, usando por el maga actividades como pesca y iscuba. El maga isla de Santa Cruz es famoso por su maga arena color rosas que considerando ralo na entero mundo. El maga islas rico na maga corales, marisco y vida de la mar. Mas de media del maga clase de marisco en el entero mundo hay puede encontra na Mar de Sulu, alreredor de este maga islas. El maga isla amo el maga siguente:
|
|
Barangay
revisaEl Ciudad de Zamboanga tiene 98 maga barangay:
- Abong-Abong
- Arena Blanco
- Ayala
- Baliwasan
- Baluno
- Boalan
- Bolong
- Buenavista
- Bunguiao
- Busay
- Cabaluay
- Cabatangan
- Cacao
- Calabasa
- Calarian
- Camino Nuevo
- Campo Islam
- Canelar
- Capisan
- Cawit
- Culianan
- Curuan
- Daap
- Dita
- Divisoria
- Dulian (Upper Bunguiao)
- Dulian (Upper Pasonanca)
- Guisao
- Guiwan
- Kasanyangan
- La Paz
- Labuan
- Lamisahan
- Landang Gua
- Landang Laum
- Lanzones
- Lapakan
- Latuan (Curuan)
- Licomo
- Limaong
- Limpapa
- Lubigan
- Lumayang
- Lumbangan
- Lunzuran
- Maasin
- Malagutay
- Mampang
- Manalipa
- Mangusu
- Manicahan
- Mariki
- Mercedes
- Muti
- Pamucutan
- Pangapuyan
- Panubigan
- Pasilmanta (Sacol Island)
- Pasobolong
- Pasonanca
- Patalon
- Putik
- Quiniput
- Recodo (formerly La Caldera)
- Rio Hondo
- Salaan
- San Jose Cawa-Cawa
- San Jose Gusu
- San Roque
- Sangali
- Sibulao (Curuan)
- Sinubong
- Sinunoc
- Sta. Barbara
- Sta. Catalina
- Sta. Maria
- Sto. Niño
- Tagasilay
- Taguiti
- Talabaan
- Talisayan
- Talon-Talon
- Taluksangay
- Tetuan
- Tictapul
- Tigbalabag
- Tictabon
- Tolosa
- Tugbungan
- Tulungatung
- Tumaga
- Tumalutab
- Tumitus
- Victoria
- Vitali
- Zambowood
- Zone I
- Zone II
- Zone III
- Zone IV
Historia de Zamboanga
revisaEste historia de Zamboanga ya influencia na tradicion de Sama conocimiento na origen el nombre de Zamboanga. El uno ta relata na caña largo y el otro na flores de jardin.
El uno version ta habla que el nombre Zamboanga ya saca na palabra "samuang" que na Sama vernaculo, querer decir rempuja el caña para na agua lodo con el vinta o canoa. Este caña ta dale vuelo, jendeh na necesita ancla. Si esta para cree, este es uno del maga historia clasicos, el historia ta continua cuando tiene un soldao Español ya perde su camino na rio, ya puede le mira sama na vinta ta amarra su ancla na caña. El soldao ya pregunta con el barquero si cosa el nombre del lugar, pensaba el barquero ta pregunta el Español si cosa le ta hace. Ya contesta el "samuang". El soldao ya cree cay samuang el nombre del lugar.
El otro version cuando nuevo centuria grupo de antigua maritimo ta encabeza si Salingai Bongsu y el Pesquisa celebrado flore de jardin ta llama Jambangan, ellos ta vela para na este estaba na imperio de Srivijaya para na dirección de Zamboanga, que ya renombra el Jardin de Asia.
Cuando na viaje, un grupo también tan viaje para afuera na este sudeste ya llega con este lugar que amo ahora el Sandakan, el grupo ya llama con el lugar Jambangan, el otro grupo también ya llega na lugar que amo también ahora el Siasi y ellos ya llama también con este lugar como Jambangan.
Gente
revisaFavor pulsa con este enlace del primero articulo Zamboangueño.
Zamboangueño conocido tambien como Chavacano:
-El descendiente desde'l Cristiano preso que ya convertir los espanol y para ayuda defende el guarnicion del español(Fort Pilar, Ciudad de Zamboanga) y tambien para ayuda contra con el maga moro.
-El nativo Cristiano que tiene mezclao sangre de los tribos; Subanon, Visayan(Ilonggo y Bisaya), Ilocano, Chino, Moro y sangre español. por causa de la interaccion de matrimonio dentro de los tribos mencionado, este ya causa nacer un nuevo tribo-se llamo "Tribo Zamboangueño"
Idioma
revisaFavor pulsa con este enlace del primero articulo Chavacano.
Zamboangueño conocido también como lenguaje Chavacano o lenguaje Chavacano de Zamboanga o como un Tribo Zamboangueño o Chavacano. ademas, conocido también como La española criollo de el maga Filipinas, que 80% de los palabras estaba na español y 20% de otras palabras estaba desde Subanon, Cebuano, Ilonggo, Sama-Bangingi, Tausug, Yakan, Portuguis, Quechua, Taino y Nahuatl.
El lenguaje Zamboangueño, es uno también viejo lenguaje que hablando o ta conversa na entero mundo, que ya nacer de Juño 23, 1635 tiempo de la colonia de España en (Nuestra Señora La Virgen del Pilar, Fort Pilar, Ciudad de Zamboanga). Ese tiempo también que el Fundación del Zamboanga y de Los Chavacanos ya establece, y debe también conocido un simbolico como el "Dia de Los Chavacanos de Zamboanga".
El tribo Zamboangueño, ahoramente que puede también encontrar na maga lugares o dentro el Peninsula de Zamboanga, Ciudad de Isabela (Basilan), Municipalidad de Lamitan (Basilan), Cotabato, Davao y na otro parte del país, y otras países. Según, el lenguaje Zamboangueño o Chavacano de Zamboanga ta esta evolucionar pa siempre.
Maga Medio de Comunicacion
revisaMaga estasyon de AM
revisa- DXHJ 612 (Audiovisual Communicators, Inc./Cedeval Radio Broadcasting System, Inc./Herbz Med Pharma Corporation)
- DXJF 738 kHz (Western Mindanao State University/Herbz Med Pharma Corporation)
- DXTB (Formerly DXSC-AM) 819 (Audiovisual Communicators, Inc. Southern Philippines Mass Communications)
- DXZH 855 (Philippine Broadcasting Corporation)
- DXIN (Dating DXYZ) 963 (Cedeval Radio Broadcasting System/Audiovisual Communicators)
- DXXX-AM 1008 (Radio Philippines Network)
- DXLL-AM 1044 (RT Broadcast Specialists)
- DXNZ-AM (Dating DXRH-AM) 1080 (Audiovisual Communicators, Inc./Horizon Broadcasting Company, Inc.)
- DXAS-AM 1116 (Far East Broadcasting Corporation)
- DXMR 1170 (Philippine Broadcasting Service)
- DXZB-AM 1242 (Mareco Broadcasting Network)
- DXRC-AM 1287 (Radio GMA Network)
- DXDZ-AM Radyo Halimbawa 1332 (Philippine Collective Media Corporation/ABS-CBN Corporation)
- DXVP 1467 (Roman Catholic Archdiocese of Zamboanga)
- DXDT 1503 (Christian Era Broadcasting Service International, Inc.)
Maga estasyon de FM
revisa- DXWC 88.3 (Armed Forces of the Philippines)
- DXJG 89.1
- DXZB-FM (Dati DXBY) 89.9
- DXHQ (Dating DXTZ) 90.7 (Manila Broadcasting Company)
- DXKZ 91.5
- DXVE 92.3 (Aliw Broadcasting Corporation)
- DXRX 93.1 (Audiovisual Communicators, Inc.)
- DXCB 93.9 (People's Broadcasting Service)
- PA 94.7 (Advanced Media Broadcasting System)
- DXEL 95.5 (Golden Broadcast Proffesionals Inc.)
- DXWR 96.3 (Radio Mindnao Network)
- PA 97.1 (Far East Broadcasting Company)
- DXCM-FM 97.9 (Philippine Broadcasting Corporation)
- PA 98.7 (Baycomms Broadcasting Corporation)
- DXLA 99.5 (Global Satellite Technology Systems)
- DXHJ 100.3 (Rajah Broadcasting Network)
- DXEO 101.1
- DXJP-FM 101.9 (Southern Broadcasting Network)
- DXHT 102.7 (Cebu Broadcasting Company)
- DXUE 103.5
- DXCZ 104.3 (Capitol Broadcasting Center)
- DXJQ 105.1 (Southern City Colleges)
- DXWW-FM 105.9
- DXZP 106.7
- DXZA 107.5 (Philippine Collective Media Corporation)
Maga referencias
revisa- ↑ «Province: Zamboanga del Sur». PSGC Interactive. Quezon City, Philippines: Philippine Statistics Authority. Consultado el Diciembre 17, 2016.
- ↑ «PSA Releases the 2021 City and Municipal Level Poverty Estimates» (2 Abril 2024).
- ↑ Census of Population (2015). "Region IX (Zamboanga Peninsula)". Total Population by Province, City, Municipality and Barangay. Philippine Statistics Authority.
- ↑ Census of Population and Housing (2010). "Region IX (Zamboanga Peninsula)". Total Population by Province, City, Municipality and Barangay. NSO.
- ↑ Censuses of Population (1903–2007). "Region IX (Zamboanga Peninsula)". Table 1. Population Enumerated in Various Censuses by Province/Highly Urbanized City: 1903 to 2007. NSO.
- ↑ «Province of Zamboanga del Sur». Municipality Population Data. Local Water Utilities Administration Research Division. Consultado el Diciembre 17, 2016.
Enlaces externos
revisa- PhilAtlas.com
- Philippine Standard Geographic Code
- Local Governance Performance Management System
- www
.zamboanga .gov .ph
 |
El Wikimedia Comon tiene medio de comunicacion en relacion con: |
 Provincia de Zamboanga del Sur
| |
| Pagadian (cabecera) | |
| Municipalidad: | Aurora ▪ Bayog ▪ Dimataling ▪ Dinas ▪ Dumalinao ▪ Dumingag ▪ Guipos ▪ Josefina ▪ Kumalarang ▪ Labangan ▪ Lakewood ▪ Lapuyan ▪ Mahayag ▪ Margosatubig ▪ Midsalip ▪ Molave ▪ Pitogo ▪ Ramon Magsaysay ▪ San Miguel ▪ San Pablo ▪ Sominot ▪ Tabina ▪ Tambulig ▪ Tigbao ▪ Tukuran ▪ Vincenzo A. Sagun |
| Ciudad: | Pagadian ▪ Ciudad de Zamboanga |