Abrir menú principal
Comida.

Comida es el cosa que el gente o maga animal come, para vivi. Comida puede bini de maga planta o maga animales. Comida dale nutrición y energia a el cuerpo. Falta de nutrición y energia ta resulta en un cuerpo que no es saludable. El maga ser vivo necesita comida para vivi y tene un cuerpo saludable. Tamen el gente necesita come comida que es saludable, kay hay comida que no es saludable para el cuerpo. Si el gente no come comida saludable, tal gente puede tene maga enfermedad, por falta de maga vitamina o mineral que el cuerpo necesita.

Algun gente come mas de lo que debe come. Si un persona come mucho, puede acaba con obesidad. Obesidad es un problema na tierra en maga mucho pais.

Algun gente no come carne. Puedeque tal gente es vegetariano, kay un vegetariano no come carne[1]. Tamen, un persona que es vegano es un persona que no come comida que bini de origen de maga animal[2].

Na algun maga religión, el gente que sigui tal religión no puede come algun tipo de comida. En Islam, un persona puede come comida halal. Comida halal no inclui carne de puerco[3]. El Judaísmo tene kashrut[4], que es regla de comida. Tamen, algun maga Cristiano es vegetariano. Na Hinduismo, el gente no puede come carne de vaca, y algun maga Hindúes no come carne[5].


Maga referenciaEditar