Conversion al islam
El conversion al islam es el aceptacion del islam como un religion o fe, y el rechazo de otro religion o del irreligion.
Maga requisito
revisaPara el conversion al islam, requisito el declaracion del shahada, el musulman profesion de fe ("nuay ningun dios sino si Allah y si Mahoma el mensajero de Allah", Plantilla:Lang-ar). Na el islamico religion, hay el creencia de que cada persona es musulman al nacimiento.
Na el islam, el jitán (circuncisión) considerao como un costumbre del Sunna, hinde mencionao na el Coran, pero mencionao na un hadiz. Segun el mayoria del maga ulema, hinde necesario el circuncision al entra na el musulman fe.
Maga islamico misionero actividad
revisaEl daʿwa (Plantilla:Lang-ar, Plantilla:Lit) es el acto de invita o convoca con el gente para abraza con el islam. Na el maga escuela del islamico teologia, el proposito del daʿwa es invita con el gente, o musulman o hinde musulman, a comprende con el adoracion de Dios como expresao na el Coran y na el maga Sunna de si Mahoma, e informa con ellos de si Mahoma.
El daʿwa como el "llamada hacia Dios" es el manera por el que ya empeza si Mahoma a difundi con el mensaje del Coran al humanidad. Despues de si Mahoma, ya asumi el de suyo maga seguidor y el umma con el responsabilidad de ello. Ta transmiti ellos con el mensaje del Coran proporcionando con informacion acerca de porque y paquemodo ta predica el Coran con el monoteismo.
Ya mira si Mahoma con el islam como el verdadero religion y mision de todo el maga anterior profeta. Ya cree ele que el de ellos llamada limitao al de ellos propio gente pero que universal el de si Mahoma. El de suyo mision como el ultimo profeta era repeti al entero mundo con este llamada e invitacion (daʿwa) al islam. Ya escribi si Mahoma a cuanto gobernante hinde musulman con maga invitacion a converti.
Tasa de conversion
revisaDificil conta con el numero de maga converso a un religion, porque ta pregunta algun maga nacional censo con el gente sobre el de suyo religion, pero sin pregunta si ya converti al de suyo presente fe. Ademas, na algun maga pais, ta dificulta el maga juridico y social consecuencia, como el pena de muerte por deja con el islam na algun maga musulman pais. Escaso maga estadistico dato sobre el conversian al y del islam.
Segun un estudio publicao na 2011 por el Pew Research Center, ta sugeri el poco informacion disponible que hinde ta tene el conversion con ningun neto impacto na el global musulman poblacion, ya que el numero del gente que ta converti al islam es mas o menos similar al numero del gente que ta deja al islam. Segun otro estudio publicao na 2015 por el Pew Research Center, siguro ta experimenta el islam con un modesto ganancia de 3.22 millon maga adherente a traves del conversion entre 2010 y 2050, aunque ay hace este modesto impacto con el islam, na comparacion con otro maga religion, el segundo religion mas grande na maga termino de maga neto ganancia a traves del conversion, detras del maga gente sin religioso afiliacion, que siguro ay experimenta con el mas grande neto ganancia a traves del conversion.
Segun The New York Times, un estimao 25% del maga americano musulman son maga converso. Na Bretaña, ta converti alrededor de 6.000 maga persona al islam al año y, segun un articulo de junio de 2000 na el British Muslims Monthly Survey, el mayoria del maga nuevo musulman converso na Bretaña fueron maga mujer. Segun HuffPost (na aquel entonces The Huffington Post), "Masquen dificil conta con el maga exacto numero, ta estima el maga observador que ta converti al islam hasta 20.000 maga estadounidense al año."[1]
Segun el Pew Research Center, el numero del maga estadounidense converso al islam is mas o menos igual al numero del maga estadounidense musulman que ta deja con el religion, hinde como otro maga religion, donde el numero de maga apostata mayor que el numero de maga converso. Del cristianismo un 77% del maga nuevo converso al islam, y un 19% del irreligion.
Segun Guinness, aproximadamente 12.5 million de maga persona mas ya converti al islam que al cristianismo entre 1990 y 2000.
A pesar de esto, ta queda el islam, na el global nivel, el religion con el segundo mayor numero de maga neto converso al religion, con 420.000 maga persona mas convirtiendo al islam que ellos abandonando el islam entre 2015 y 2020. Ta supera este numero el numero de maga gente (7,570,000) convirtiendo de "religioso" a "sin afiliacion".
Na 2010, ya incuntra el Pew Forum "que escaso el maga estadistico dato para el maga musulman conversion, y debio al falta de confiable informacion, nuay ningun sustancial neto ganancia o perdida de maga musulman por el conversion." Tambien ya deci que "mas o menos igual el numero del gente que ta abraza con el islam y el numero del gente que ta abandona con el islam. Ansina, ta exclui este informe con el conversion como un directo factor del proyeccion del crecimiento del musulman poblacion."[2] Ya incuntra otro estudio que el numero del gente que ay deja con el islam es 9.400.000, y que el numero del maga converso al islam es 12.620.000, ansina que el neto ganancia del islam por maga conversion ay 3 maga millon entre 2010 y 2050, el mayoria del subsahariano Africa (2.9 maga millon).
Segun un encuesta del Pew Research Center na 2017, entre 2010 y 2015 "ya nace un estimao 213 millon maga bebe a maga musulman madre y ya mori alrededor de 61 millon maga musulman, cosa ta significa que el aumento natural del musulman poblacion —es deci, el numero de maga nacimiento menos el numero de maga defuncion— fue 152 maga millon durante este periodo", y ya añadi con maga chico neto ganancia a traves del conversion al islam (420.000). Ademas ya deci este informe que para 2060 ay queda el maga musulman el segundo mas grande religioso grupo na el mundo, y si ta continua el maga actual tendencia, ay alcanza el numero del maga musulman a 2.9 maga mil millon (o 31.1%).[3]
Mira tambien
revisaMaga referencia
revisa- ↑ Sacirbey, Omar (24 August 2011). «Conversion To Islam One Result Of Post-9/11 Curiosity». Huffington Post. «"Though exact numbers are difficult to tally, observers estimate that as many as 20,000 Americans convert to Islam annually."».
- ↑ "The Future of the Global Muslim Population, Related Factors: Conversion" Plantilla:Webarchive, The Pew Forum on Religion and Public Life, 27 January 2011. "... that statistical data for Muslim conversions is scarce and as per their little available information, there is no substantial net gain or loss of Muslims due to religious conversion." "... the number of people who embrace Islam and the number of those who leave Islam are roughly equal. Thus, this report excludes religious conversion as a direct factor from the projection of Muslim population growth."
- ↑ «The Changing Global Religious Landscape». Pew Research Center (5 April 2017). «"an estimated 213 million babies were born to Muslim mothers and roughly 61 million Muslims died, meaning that the natural increase in the Muslim population – i.e., the number of births minus the number of deaths – was 152 million over this period"».