Davit Kirkitadze

Si Davit Kirkitadze (Plantilla:Lang-ka, nacido el 2 de agosto de 1978) es un georgiano politico que ya sirvi como Miembro de Parlamento na 2004–2008 y desde 2020, ademas de como Gobernador de Kvemo Kartli na 2008–2013.

Un miembro del Unio Nacional Movimiento, fue uno del maga mas controversial miembro del dominante partido durante el presidencia de si Mikheil Saakashvili, caracterizao por el de suyo maga declaracion que ya vincula con el oposicion al ruso hibrido guerra, el de suyo manada publico reyerta, y el de suyo alineacion con el poderoso Ministro del Interior, si Vano Merabishvili. Hinde ya contesta el eleccion na 2008, sino ya queda apuntao como Gobernador de Kvemo Kartli, justo antes del Ruso-Georgiano Guerra. Na 2013 ya queda un lider del oposicion despues del electoral victoria del Georgiano Sueño, y ya lidera con el maga operacion de UNM na Kvemo Kartli (ya inclui este con el presidencial campaña de si Grigol Vashadze na 2018). Na 2020 fue reelegio a Parlamento.

Ta asociao el de suyo nombre con un largo historia de maga controversial episodio. Desde 2015 ya tene tres maga acusacion y dos maga arresto. Durante el Incidente de Velistsikhe de 2018, ya lucha si Kirkitadze contra el policia, que ya trata de bloquea con el atento de Kirkitadze para disturba con el presidencial inauguracion de Salome Zourabichvili. Ya nega con todo el maga acusacion, y ta insista que es un blanco del maga "political persecucion" del gobierno contra el oposicion. Ya participa ele na tres maga huelga de hambre desde 2018.

Temprana vida y carrera

Ya nace si Davit Kirkitadze el 2 de agosto de 1978 na Chiatura, un pueblo na entonces Georgiano Sovietico Socialista Republica. Na 2000 ya gradua de dos maga institucion, el Legal-Sicologico Instituto (con un diploma na ley) y el Estatal Academia de Fisico Educacion y maga Deporte de Georgia. Como un joven activista, fue apuntao como Executivo Secretario del Unio Nacional Movimiento, un nuevo political partido fisionao del Union del maga Ciudadano de Georgia bajo el liderazgo de si Mikheil Saakashvili. Na 2003 fue apuntao como Diputado Jefe del Servicio para maga Deporte y Turismo na Ciudad de Tbilisi, un puesto que ya mantene durante menos de un año.

Ta casao si Davit Kirkitadze con Mariam Akhobadze, y ta tene sila con dos maga bata. El de suyo hermano si Irakli es empresario.

Miembro de Parlamento

Fue elegio si Davit Kirkitadze al Parlamento de Georgia por medio del electoral lista del UNM (liderao por el trio Saakashvili–Burjanadze–Zhvania) durante el parlamentario eleccion de 2004 que ya ocurri despues del Revolucion de maga Rosa. Un miembro del dominante coalicion, pronto ya queda uno del mas influencial miembro del UNM: ya queda vice-presidente del parlamentario mayoridad, lider del juvenil ala del partido, y Secretario General del UNM cuando ya deja el Ministro del Economia, si Giorgi Arveladze, de este trabajo na diciembre de 2006. Na aquel tiempo, ya considera el maga political observador con ele cercanamente afiliao con el poderoso Ministro del Interior, si Vano Merabishvili, ademas del Vice-Presidente del Parlamentario, si Mikheil Machavariani. A veces fue un potencial nominao para el Gobernador de Imereti y Jefe del Financiero Policia.

Fue si Kirkitadze Diputado del Comite para Defensa y Seguridad (CDS) y miembro del Grupo de Confianza, un especial comite con el objetivo de supervia con el maga confidencial gasto de defensa. Ansina, ya critica gayot con ele el maga lider del oposicion por su percibio incumplimiento de frena el alegao corrupcion na el Ministerio de Defensa de Georgia, mientras que ele mismo fue fuerte proponente de omenta con el maga militar gasto. Para mostra con el de suyo apoyo para el maga esfuerzo del administracion de Saakashvili para renova con el sistema de maga militar reserva, ya inscribi ele mismo y ya queda Comandante del Primer Batallon del maga Reservista.

Na Parlamento, ya critica si Davit Kirkitadze con el maga miembro del parlamento que, segun ya cree ele, ya opone con el administracion del UNM. El mas notable incidente fue el de suyo guerra de maga palabra con el Ministro del Exterior, si Salome Zourabichvili. Ya llama si Kirkitadze con si Zourabichvili "negligente" por no somete con un internacional tratado al Parlamento para ratificacion dentro del adecuado plazo, y dentro de un mes si Zourabichvili fue dimitio. Na diciembre de 2005, ya llama si Kirkitadze con el Ministro del Finanza, si Lekso Aleksishvili, "negligente" por no omenta con el maga sueldo del maga guardia del Policia del Borde a pesar de un parlementario resolucion.

Aunque ya propone ele el traslado del de suyo puesto na el CDS a un candidato elegio por el oposicion si ya termina el segundo con el de suyo parlamentario boicot na 2006, ya queda ele conocio como uno del maga mas radical critica del oposicion. Na maga publico debate, ya rechaza ele con el maga demanda del oposicion para maga directoral eleccion del maga alcalde y el dimision del Ministro del Interior, si Vano Merabishvili, mientras que ya propone con el eliminacion de cuatro maga distrito na Tbilisi y el de suyo alocacion a Abjasia y Osetia del Sur, un propuesto que mayoritariamente ya beneficia con UNM na eleccion de 2008. Na 2005, ya acusa el maga observador con ele de rompe con el ley por organiza con el man-autobus del maga votante na Distrito Isani-Samgori. Ya condena ele con el maga protesta contra el gobierno como financiao por Rusia y ya alega que ya evita el maga autoridad con un atentao golpe de estado durante el maga protesta na Georgia de 2007.

Tamen fue conocio si Kirkitadze por el de suyo manada fisico conflicto con otro maga politico. Na diciembre de 2004, ya involucra na un escaramuza con el parlamentario seguridad. Na 2 de diciembre de 2005, ya involucra na un pelea con el maga miembro del Muncipial Asamblea de Tbilisi. Na marzo de 2006, ya detene el maga especial fuerza na Belarus con ele durante tres maga dia despues de trata de entra na el pais para observa el presidencial eleccion de Belarus de 2006, antes del de suyo deportacion a Georgia. Na aquel tiempo, ya acusa el bielorruso gobierno con el georgiano de fomenta con un revolucion de color (similar al Revolucion de maga Rosa) y ya detene con si Kirkitadze como testigo na un potencial caso de terrorismo.

Segun un reporte publicao por el periodico 24 Saati, hinde ya aparece na publico na el maga local eleccion de 2006 por causa del de suyo baja popularidad. Na igual manera, ya trata de contesta con el parlamentario eleccion de 2008 na el Mayoritario Distrito de Chitaura, pero hinde ya nomina con ele el de suyo partido.

Gobernador de Kvemo Kartli

Na el 28 de marzo de 2008, ya apunta el Presidente Saakashvili con si Davit Kirkitadze como Gobernador de Kvemo Kartli, para reemplaza con el Gobernador Zurab Melikishvili que ya renuncia con el de suyo puesto para postula para el Parlamento. Ya tene el region, na el sur de Georgia, con un grande y etnicamente azeri poblacion y como Gobernador, ya involucra ele na el implementacion del maga curso na el georgiano idioma como prioritizao por el central gobierno. Influencial pa na el UNM, presuntamenta ya involucra na un campaña para forza que termina el maga anunciante con el de suyo maga contrato con Maestro TV, que ya favorece con el oposicion. Ya reclama mas tarde si Zaur Gurgenidze, un anterior juez y un miembro del UNM, que personalmente ya involucra si Gobernador Kirkitadze na el electoral fraude detras del maga eleccion de Georgia de 2012. Na septiembre de 2009, ya reclama el maga reporte na el media que ya involucra el Gobernador Kirkitadze na un escaramuza con un arbitro durante un juego de futbol, aunque hinde confirma el maga testimonio del maga testigo con el maga alegacion. Durante el Ruso-Georgiano Guerra de 2008 (durante el de suyo termino) ya sufri el maga pueblo de Bolnisi, Marneuli y Rustavi con el maga aereo ataque por Rusia.

Despues del victoria na 2012 del Georgiano Sueño, si Kirkitadze fue uno de manada gobierno que ya sirvi durante el llamao "Periodo de Cohabitacion", un periodo na 2012–2013 cuando ya controla el Georgiano Sueño con el gobierno mientras que ya controla el UNM con el Presidencia y el maga Gubernatura. Durante aquel tiempo, ya amenaza si Kirkitadze con maga grande protesta cuando ya reduci el Parlamento con el presupuesto del Ciudad de Rustavi por 50%. Despues del eleccion de si Giorgi Margvelashvili como Presidente, si Kirkitadze fue uno de cinco maga gobernador que ya renuncia con el de suyo maga sede na el 30 de octubre de 2013, y ya declara ele que el de suyo vision fue diferente de el del nuevo administracion. Na 2013 ya recibi el Orden de Excelencia.

Na febrero de 2015, ya lanza el Oficina del Fiscal con un investigacion na un presunto caso de abuso de poder por Kirkitadze. Ya alega que ya usa ele con el propiedad del gobierno para construi con dos maga edificio para maga privao empresa del de suyo hermano cerca del Autovia Tbilisi–Rustavi, a un costo de 250,000 GEL na 2011–2012. Na aquel tiempo, temporadamente ya muda na maga Estados Unidos, ya rehusa atende al de suyo juicio, ansina que ya acusa con ele in absentia. Ya contraalega ele que el caso fue politicamente motivao. Na el 14 de enero de 2019, el verdicto fue "no culpable", aunque ya queda pa na prision por otro maga cargo.

Na oposicion

Jefe del UNM – Kvemo Kartli

Na oposicion al gobierno liderao por el Georgiano Sueño, ya segui si Davit Kirkitadze con el de suyo trabajo na UNM. Ya queda jefe del de suyo rama na Kvemo Kartli na 2013, miembro del de suyo Political Consejo na 2017, y jefe del maga regional asunto del partido de 2019. Fue uno de manada lider del partido que ya queda con UNM durante el ruptura del partido na 2017, mientras que ya deja manada funcionario para funda con el partido Europeo Georgia. Ya queda involucrao na maga local actividad y na diciembre de 2015, ya lidera con el maga estudiantil demostracion para protesta con un omento na maga precio de publico transportacion entre Tbilisi y Rustavi.

Ya nomina el UNM con ele para contesta con el Mayoritario Distrito de Rustavi na maga parlamentario eleccion de 2016. Contra nueve maga candidato, ya termina na segundo lugar, detras de si Giorgi Bregadze del Georgiano Sueño con 34%. Ya sufre con un derrota na el eleccion de segundo vuelta detras de gana con 32.4%.

Incidente de Velistsikhe

Durante el presidencial eleccion de 2018, fue jefe del oficina na Rustavi para si Grigol Vashadze, el nominao del UNM, y Rustavi fue uno de solamente dos maga distrito con el maga que ya gana el segundo na ambo maga vuelta. Ya que ya rehusa el partido reconoce con el victoria de si Salome Zourabichvili, ya lidera si Kirkitadze con un convoy de maga activista de Tbilisi para trata de disturba el inauguracion de si Zourabichvili na Telavi na el 16 de diciembre. Cuando ya bloquea el maga policia con el camino cerca de Gurjaani, ya involucra si Kirkitadze na un escaramuza con el maga policia na el llamao Incidente de Velistsikhe. Segun un grabacion na video, ya trata si Kirkitadze de asumi con control de un policiaco autobus. Un dia mas tarde fue arrestao. Durante este tiempo ya acusa el Ministro del Interior, si Giorgi Gakharia, de planea con un "revolucion". Ya queda controversial el caso, cuando ya llama manada lider del oposicion con ele un "politico prisionero". Ya declara Grigol Vashadze que el arresto fue el "comienzo del political terror", ya amenaza con traslada el caso al Europeo Corte del maga Humano Derecho, y ya argui que hinde tene el policia con un derecho para bloquea el autovia sin ninguno legal orden.

Na custodia, ya lanza si Kirkitadze con un huelga de hambre. Tamen controversial fue el decision del MIA para acordona con el Corte del Distrito de Gurjaani con maga femenino policia. Ya declara culpable si Kirkitadze, publicamente ya pedi perdon, y ya sentencia condicionalmente a dos maga año na prision. Ya libera con ele de prision na el 31 de mayo de 2019.

Regreso al Parlamento

Ya nomina el coalcion Fortaleza na Unidad (un electoral bloque liderao por el UNM) con si Davit Kirkitadze para el carrera na 12do Mayoritario Distrito (Rustavi y el maga norteño parte de Gardabani) durante el parlamentario eleccion de 2020. Ya competi contra 18 maga candidato, incluido el incumbente si Irma Nadirashvili (Europeo Georgia), si Vakhtang Megrelishvili (Girchi) y si Nino Latsabidze (GS). Ya gana con el segundo lugar con 36.2% del voto, pero man-boicot con el de suyo eleccion de segundo vuelta contra Latsabidze despues de maga alegacion de masivo electoral fraude, y na el 19 de noviembre de 2020, ya anuncia el nacional boicot del UNM del maga eleccion y del maga sede ansina ganao. A pesar de este, ya gana con 10.2% na segundo eleccion, pero ya gana pa con un sede na Parlamento por medio del electoral lista.

Solamente na mayo de 2021 ya uni si Kirkitadze con el Parlamento despues de maga mes de boicot, gracias a un efimero acuerdo, facilitao por el Unión Europea, entre el Georgiano Sueño y el oposicion. Desde entonces, ya sirvi si Kirkitadze como miembro del Comite para Environmental Proteccion y Natural maga Recurso, y el Consejo para Igualdad de Genero, mientras sirvi na Parlamentario Asamblea del Organizacion del Economico Cooperacion del Negro Mar. Ya apoya ele con el instalacion de un americano militar base, un regimen libre de maga visa con el Estados Unidos, ademas de un tratado de libre comercio. Ya critica con el georgiano gobierno por no plantea con este maga asunto durante el visita na 2020 del Secretario de Estado del EEUU, si Mike Pompeo.

Si Kirkitadze es partidario del ex-Presidente Mikheil Saakashvili, y ya pedi con el de suyo liberacion de prision desde el de suyo arresto na octubre de 2021, ansina que ya participa na dos maga huelga de hambre para protesta con el tratamiento de si Saakashvili na prision.

Uno del mas grande financiero donante al UNM desde 2020, ta involucra pa gayot na trabajo del partido. Ya apoya con un especial eleccion para reemplaza con si Nika Melia como presidente del partido na enero de 2023, y ya argui que hinde ya enfoca si Melia con el trabajo del partido na liberacion de Saakashvili. Ta endosa con el MP Levan Khabeishvili para reemplaza con Melia.

Campaña para el Alcalde de Rustavi y arresto

Durante el maga local eleccion de 2021, ya nomina el coalicion Fortaleza na Unidad con Davit Kirkitadze como candidato para Alcalde de Rustavi, contra cinco maga candidato, incluido otra vez si Nino Latsabidze del Georgiano Sueño. Ya recibi ele con el endoso de manada otro partido, incluido el Europeo Georgia, Girchi y Lelo para Georgia, mientras que ya propone el nuevamente creao partido Para Georgia con el de suyo propio candidato. Mayoritariamente ya enfoca el de suyo campaña na maga asunto del tierra, mientras que ya trata el GS de retrata con ele como un "gamberro".

Na un muy publico incidente, ya ocurri un escaramuza frente al de suyo oficina durante el eleccion entre maga apoyador y oponente de ele. Ya acusa el maga autoridad con ele, na un controversial movida, de incita con el pelea. Notablemente ya sali del de suyo propio juicio, junto con el maga apoyador, y ya llama con el juicio un "farsa". Ya obtene con el libertad bajo fianza. Na otro incidente, ya dimiti con un empleado del Ayuntamiento de Rustavi, supuestamente por apoya con si Kirkitadze.

Ya gana si Davit Kirkitadze con 43.5% na primero vuelta del eleccion, pero ya perde a si Latsabidze na segundo con 46.3%.