Wikipedia:Bienvenidos

¡Bienvenidos na Wikipedia! Este el version Chavacano que ya prinsipia del Octubre 2, 2006. Tiene ya ahora 3200 maga articulo y con tu ayuda, esperanzaomente ay tiene pa mas mucho maga articulo.

Como se?

Este enciclopedia version Chavacano ta existi por medio del maga esfuerzo del maga lector y escritor o autor del Wikipedia como tu y como iyo. Ta usa este un clase de website como se llama "wiki" que ta hace el colaboracion facil. Mucho gente ahora ta man ayudahan mejora con el Wikipedia na mucho diferente lenguaje, na mucho maga cambio cada hora y todo este tiene registro na maga historia del maga articulo y pagina de maga reciente cambio. El Wikipedia tiene di suyu maga norma y regulacion contra vandalismo. El maga clase de maga cambio na maga articulo que hinde nesesita o impropio, usualmente ta bora dayun y con el maga quien ta hace vandalismo, ta prohibi dale derecho para revisa con el maga articulo.

Hinde nesesita rehistra para entra na Wikipedia. Pero, ta dale animo el uno y otro aqui na Wikipedia que rehistra para queda el uno y otro regular usario de Wikipedia. Usualmente, el maga usario del Wikipedia tiene comunidad.

Pa que modo?

No tiene miedo hace reviso o cambio con el maga articulo! Puede tu naviga entero Wikipedia que desponible y trabaja na todo maga pagina que quierre. Si quiere, puede tu hace experimento acqui na Zona de Prueba. Busca maga cosas que puede revisa que contenido, gramatica, o ichura y compone!

Hinde tu puede hace quebra con el Wikipedia. Todos las cosas puede compone y mejora aqui na Wikipedia. Anda ya y compone! Crea y compone magha articulo y ayuda hace con el Wikipedia el bien bueno laman de informacion na Internet.

El Cinco Pilares del Wikipedia

Tiene cinco puntos fundementales que ta guia con el todo colaboracion aqui na Wikipedia:

• Este es un enciclopedia, y todo esfuerzo directo con este sentido.

• Debe adopta con el [Punto de Vista Neutral|punto de vista neutral]].

• El objectivo amo el creacion de un enciclopedia de libre contenido, que hinde ta permiti el maga incluido del maga caso materiales con derechos de autor (copyrights) sin el permiso corespondiente del autor.

• El Wikipedia ta sige con el maga Normas de Etiqueta que debe respeta uno y otro.

• Debe usa siempre El Sentido Comon.