Bangkok (Pronunciacion en Ingles: /ˈbæŋkɒk/) es el capital y el muy populoso ciudad de Tailandia. Este es conocido na Tailandes como Krung Thep Maha Nakhon (กรุงเทพมหานคร, pronunciado: [krūŋ tʰêːp mahǎː nákʰɔ̄ːn] o simplemente Krung Thep. El ciudad ta ocupa 1,568.7 kilometros cuadrados (605.7 millas quadradas) en el delta del Rio de Chao Praya en Tailandia Central, y tiene populacion de mas 8 millones, o 12.6 por ciento del populacion del pais. Mas 14 millones de personas (22.2 por ciento) ta queda dentro del alrededor del Region Metropolitana de Bangkok, ta hace con Bangkok un extremo ciudad principal, ta hace diutay con otros centros urbanos de Tailandia en terminos de importancia.

Bangkok

Nombre revisa

El etimologia del nombre de Bangkok (บางกอก, pronunciado en Thailandes como [bāːŋ kɔ̀ːk] es hende claro. Bang es un palabra de Tailandes qiere de cir "un villa o pueblo situado na un pantano o sapa", y el nombre puede derivado na Bang Ko (บางเกาะ), ko quiere de cir "isla", un referencia na paisaje de lugar que labrao de maga rio y maga canal. Otro teoria ta sugeri cay este es corto de Bang Makok (บางมะกอก), makok amo el nombre de Elaeocarpus hygrophilus, un ciembra ta produci como oliva fruta. Este es suportado con el verdad cay el Wat Arun, un templo historical na lugar, que daan ya nombra como Wat Makok. Oficialmente, sin embargo, el pueblo conocido como Thonburi Si Mahasamut (ธนบุรีศรีมหาสมุทร, estaba na Pali y Sanskrit, literalmente "ciudad de maga tesoro ta gracia o ta adorna con el mar") o Thonburi, asegun con el maga cronica de Ayutthaya. El Bangkok estaba un nombre coloquial, aunque un adoptao ampliamente de maga visita extranjero, que su continuo uso del nombre finalmente ya resulta en este queda adoptao oficialmente con el creacion del Administracion Metropolitana de Bangkok.

Cuando el Rey Rama I ya establecia su nuevo capital na orilla oriental del rio, el ciudad ya hereda con el nombre ceremonial de Ayutthaya, de que tiene manada variante, incluido el Krung Thep Thawarawadi Si Ayutthaya (กรุงเทพทวารวดีศรีอยุธยา) y Krung Thep Maha Nakhon Si Ayutthaya (กรุงเทพมหานครศรีอยุธยา). Si Edmund Roberts, ta visita con el ciudad como enviado del Estados Unidos en 1833, ya señala cay el ciudad, desde queda capital, es conocido como Sia-Yut'hia, y este es el nombre ya usa en maga tratado internacional del periodo o tiempo. Este dia, el ciudad es conocido na Tailandes como Krung Thep Maha Nakhon. De este entero nombre ceremonial, que ya queda dentro uso durante el reinado de Rey Mongkut, ta lee lo siguiente:

Krungthepmahanakhon Amonrattanakosin Mahintharayutthaya Mahadilokphop Noppharatratchathaniburirom Udomratchaniwetmahasathan Amonphimanawatansathit Sakkathattiyawitsanukamprasit

กรุงเทพมหานคร อมรรัตนโกสินทร์ มหินทรายุธยา มหาดิลกภพ นพรัตนราชธานีบูรีรมย์ อุดมราชนิเวศน์มหาสถาน อมรพิมานอวตารสถิต สักกะทัตติยวิษณุกรรมประสิทธิ์


El nombre, ya composita de maga palabra reiz de Pali y Sanscrito , ta tranduce en Chavacano como:

Chavacano Formal: Ciudad de los angeles, la gran ciudad de los inmortales, magnifico ciudad de los nueve gemas, sede del rey, ciudad de los palacios reales, el casa de los dioses encarnados, erigidas por Vishnakarman en el peticion de Indra.

Chavacano Comun: Ciudad del maga angel, el gran ciudad del maga imortal, magnifico ciudad del maga nueve piedra preciosa o piedra brillante, silla del rey, ciudad del maga palacio royal, el casa del maga dios ya encarna, ya erigi si Vishnakarman na peticion de Indra.