Benigno Aquino, Jr.

(Redirigido desde «Ninoy Aquino»)

Benigno Simeon "Ninoy" Aquino, Jr. (Nacimiento: Tarlac, 27 de Noviembre, 1932 - Muerte: Manila, 21 de Agosto, 1983). Un politico Filipino. Un periodista tambien. Su primero trabajo, como reportero na guerra de Corea na edad de 17 años antes ele ya entra na politica.

Juventud revisa

Si Ninoy Aquino ya nace na un famila que importante na Concepcion Tarlac, isla de Luzon de, las Filipinas. Su abuelo, si Servillano Aquino, un general de Emilio Aguinaldo na fuerza revolucionario. Con su maga complimiento como un reportero de periodico, ele ya recibe el premio de "Legión de Honor" con Presidente Elpidio Quirino na joven de edad de 18 años.

Politico revisa

Na su tiempo, si Ninoy es el con todo joven alcalde na edad de 22 años, vice-gobernador na edad 27 años, y del año 1961, gobernador de Tarlac na edad 29 años. Cinco años despues, si Ninoy el secretario general del entero Partido Liberal y ya queda ele solamente viviente del partido na Senado y especialmente, el principalmente opposicion contra administracion del Presidente Ferdinand Marcos. Con Ninoy ya condena muerte del ano 1977. Ele ya esta na preso o calaboso hasta Mayo de 1980 cuando ya dale con ele permiso el administracion Marcos para man viaje na Estados Unidos para cura su enfermedad de corazon. Masquen na preso, si Ninoy es un miembro siempre del congreso. Considerando si Ninoy como bajo na un exilio del año 1980 y hasta aquel tiempo ya volve ele na Filipinas.

Muerte revisa

Contra con el maga consejo del su famila y maga amigos, Si Ninoy ya volve na Manila del Agosto 21, 1983. El momento ya sale ele na puerta del eroplano para abaja na tarmac, ya tira bala de armas de fuego con Ninoy el maga soldao. Ya mori si Ninoy Aquino na mismo aeropuerto internacional de Manila. Ya cogi y ya hace preso con el maga soldao responsable con el muerte de Ninoy. Pero, mucho convinsido que el Presidente Marcos amo el mandador con el asasinacion de Ninoy, masquen hasta este maga tiempo no hay siempre prueba. Porcausa con el muerte de Ninoy, ya continua y mas ya queda popular el oposicion contra con el gobierno de Marcos. Cun su viuda, Corazon "Cory" Cojuanco Aquino, el oposicion ya forma nuevo partido contra administracion. Bajo na presion del America, si Marcos ya llama pronto un eleccion, y si Cory ya corre contra administracion bajo na partido del oposicion. Despues el eleccion, ya proclama el congreso de Marcos con ele como el victorioso, pero porcausa del pacifico y palido "People Power Edsa Revolution" ya abaja el dictador Marcos despues el mas de 20 años na poder. Con el viuda de Ninoy Aquino, si Cory Aquino, ya proclama el aca-once Presidenta de las Filipinas o la Primera Presidenta del aca-cinco Republica de las Filipinas.