Oceania
Oceania es un geografico region que ta comprende con Australasia, Melanesia, Micronesia y Polinesia. Abarcando con el maga oriental y occidental hemisferio, na el centro del oceanico hemisferio, estimao que ta conta Oceanía con un terrestre superficie de unos 9.000.000 maga cuadrao kilometros y un poblacion de alrededor de 44,4 maga millon na 2022. Na comparacion con el otro maga continente, Oceanía es el mas chico na terrestre superficie y el segundo menos poblao despues del Antartida.
Ta tene Oceania con un diverso mezcla de maga economia. Por un lado hay el maga altamente desarrollao y globalmente competitivo financiero mercao de Australia, Frances Polinesia, Hawaii, Nueva Caledonia y Nueva Zelanda, con un bueno calidad de vida y altamente posicionao na el Indice de Humano Desarrollo. Por otro lado hay el mucho menos desarrollao pais de Kiribati, Papua Nueva Guinea, Tuvalu, Vanuatu y Occidental Nueva Guinea. Ademas ta inclui el region con el mediano economia del maga isla del Pacifico como Fiji, Palau y Tonga. El mas grande y mas poblao pais na Oceania es Australia, y el mas grande ciudad es Sidney, Puncak Jaya na el provincia de Papua Pegunungan na Indonesia es el mas alto pico na Oceania a 4,884 m.
Hace mas de 60,000 maga año que ya llega el maga primero poblador de Australia, Nueva Guinea y el maga gran isla justo al este. Na el aca-16 siglo ta ocurri el primero exploracion del Pacifico por parte del maga europeo. Ya alcanza el maga portugues explorador, entre 1512 y 1526, al maga isla Tanimbar, a cuanto maga isla Carolina y el oeste de Nueva Guinea. Ya segui el maga español y holandes explorador, luego el maga britanico y frances. Durante el de suyo primer viaje na el aca-18 siglo, ya navega si James Cook (que mas tarde ya llega al maga altamente desarrollao archipielago de Hawai) a Tahiti y por primera vez ya segui con el costa este de Australia.
Significativamente ya cambia el llegada del maga europeo na maga subsiguiente siglo con el social y político panorama de Oceania. Ya mira el Pacifico teatro durante el Primero Mundial Guerra, con el maga japones ocupando con manada aleman territorio. Durante el Segundo Mundial Guerra, ya lucha el maga Aliao (mas especificamente el Estados Unidos, el Filipinas —na aquel entonces un americano mancomunidad— y Australia) contra el Potencia del Eje Japón na vario maga lugar de Oceania.
El rupestre pintura del maga australiano aborigen es el mas largo artistico tradicion del mundo. El mayoria del maga pais de Oceania son maga multipartidista, representativo, parlamentarismo democracia, el turismo siendo un gran fuente de maga ingreso para el maga insular nacion del Pacífico.
Maga definicion y extento revisa
Maga caracteristica revisa
Ta varia maga definicion de Oceania. Ta abarca el mas amplio definicion de Oceanía con el maga numeroso isla entre el continental Asia y America. El insular nacion de Australia es el unico terreno del zona bastante grande que tipicamente considerao un continente. El cultura del maga persona que ya vivi na este maga isla fue, na manada situacion, distinto de el de Asia y el de precolombino America, poreso un falta de asociacion con este maga. Antes de que ya llega el maga europeo na el area, ya protege el mar con Australia, y con el maga isla del central Pacifico del sur, del maga cultural influencia que ya difundi a traves de maga gran continental masa y maga adyacente isla. Mayoritariamente ta yace el maga isla del malayo archipielago, al norte de Australia, na el continental plataforma de Asia, y ya tene el de ellos maga inhabitante con un mayor exposicion al cultura de continental Asia como resultao de este mayor proximidad. Ansina mismo, ta yace el isla de Taiwán na el continental plataforma de Asia, e historicamente ya tene el de suyo maga inhabitante con un cultural intercambio con el continental Asia.
Ya acuña el geografo si Conrad Malte-Brun con el frances frase Terres océaniques (Plantilla:Lang-cbk) Plantilla:Circa 1804, luego na 1814 ya acuña otro frances cartografo, si Adrien-Hubert Brué, de este frase con el mas corto Océanie, escribiendo conele na un mapa. Na frances: "Océanie, ou cinquième partie du monde, comprenant l'archipel d'Asie, l'Australasie et la Polynésie (ou le continent de la Nouvelle Hollande et les îles du Grand Océan)." Y na chavacano: "Ta comprende Oceania, un quinto parte del mundo, con el archipielago de Asia, Australasia y Polinesia (o el continente de Nueva Holanda y el maga isla del Gran Oceano)." Ta deriva Océanie del latin palabra ōceanus, y este del griego palabra ὠκεᾰνός (ōkeanós) "oceano". Usao el termino Oceania porque, a diferencia del otro maga continental agrupacion, vinculao el maga parte del ragion por el oceano. Segun el libro (na ingles) The Imperialist Imaginary: Visions of Asia and the Pacific in American Culture (Plantilla:Lang-cbk) (John Eperjesi, 2005), "usao [el termino] por maga occidental cartografo desde maga mediao del aca-19 siglo para ordena con el maga complejidad del Pacifico area."[1] Y ta deci el Handbook of Religion (Plantilla:Lang-cbk) que el termino "introducio por el maga occidental" ("introduced by westerners") y que na el aca-19 siglo ta ayuda a describi con "un sociopolitico realidad del maga isla, del Pacifico del sudoeste, y Australia" ("a sociopolitical reality of the islands of the southwest Pacific and Australia").
Na el aca-19 siglo, ta dividi manada geografo con Oceania na maga subdivision mayoritariamente basao na el raza: Australasia, Malesia (comprendiendo con el malayo archipielago), Melanesia, Micronesia y Polinesia. Ta deci el libro Maritime Adaptations of the Pacific (Plantilla:Lang-cbk) (Richard W. Casteel y Jean-Claude Passeron, 2011) que "para el maga fin del antropologia, ya queda Oceanía durante mucho tiempo un continente como Africa, Asia y America."[2] Ya escribi na 1873 el escoces geografo si John Bartholomew que "formao el Nuevo Mundo por América del Norte y el península de América del Sur anexo a ello. Generalmente denominao este maga division como maga continente, y a ellos añadio otro, que ta abarca con el gran isla de Australia y manada otro na el [Pacifico] Oceano, bajo el nombre de Oceanía. Por lo tanto, hay seis maga grand division del Tierra: Europa, Asia, Africa, América del Norte, América del Sur y Oceanía."[3] Ya escribi el americano autor si Samuel Griswold Goodrich na el de suyo libro de 1854, History of All Nations (Plantilla:Lang-cbk), que "ta acorda el maga geografo na considera con el insular mundo del Pacifico Oceano como un tercer continente, bajo el nombre de Oceanía."[4] Na este libro, el otro dos maga continente fue el Viejo Mundo (es deci, Eurafrasia) y el Nuevo Mundo. Ta describi un estudio de 1884 con Oceania como un continente, declarando que "Al sur del asiatico continente incuntrao un gran isla casi tan grande como el europeo continente. Considerao esto, con un gran numero de maga chico isla na el vecindad, como formando con un cuarto continente conocio como Oceanía."[5] Tambien ya describi otro maga estudio, de maga principio del aca-20 siglo, con Oceania como un continente. Na el de suyo libro de 1879, Australasia, ya comenta el britanico naturalista si Alfred Russel Wallace que "Oceania el palabra frecuentemente utilizao por el maga continental geografo para describi con el gran mundo de maga isla na el que ya entra kita".[6] y que "ta forma Australia con el de suyo central y mas importante caracteristica."[7] Hinde explicitamente ya etiqueta ele con Oceania como un continente na el libro, pero ya nota gayot que esto uno del seis maga principal division del mundo. Ta describi The Oxford Handbook of World History (2011) El libro de Oxford del universal historia con el maga area comprendio na Oceanía como "maga tardio reflexion na el maga texto de universal historia, agrupao e incluio al final del maga global encuesta como maga areas mayoritariamente marginal al maga principal acontecimiento del mundial historia".[8]
Na el mayoria del maga hinde angloparlante nacion, tratao Oceania como un continente na el sentido de que es "uno del maga parte del mundo", y visto Australia lang como un insular nacion. Pero na otro maga hinde angloparlante nacion, considerao Australia y Eurasia como maga continente, mientras que considerao como "maga parte del mundo" Asia, Europa y Oceania. Antes del decada 1950, antes del popularizacion del teoria del tectonica de maga placa, tiene vez descrio Antartida, Australia y Groenlandia como maga insular continente, pero hinde usualmente enseñao como maga continente propiamente dicho na el maga angloparlante nacion. Na el de suyo libro de 1963 The United States and the Southwest Pacific (Plantilla:Lang-cbk) ya comenta el americano autor si Clinton Hartley Grattan que "ta tene ya el uso del palabra Oceanía, para abarca con Australia, Nueva Zelanda y el maga isla [del Pacífico], con un sabor algo anticuao."[9] Australia es un fundador miembro del Foro del maga Isla del Pacifico na 1971, y tiene vez interpretao como el mas grande Pacifico isla. Por ejemplo, na 2014 ta declara si Tony deBrum, el Ministro del Exterior para el maga isla Marshall que "[Australia] hinde lang nuestro hermano mayor na el sur, Australia es miembro del Foro del maga Islas del Pacifico y Australia es un isla del Pacifico, un isla grande, pero un isla del Pacifico."[10] Ta agrupa algun maga geografo con el australiano placa y otro maga tectonico placa na el Pacifico para forma con un geologico continente. Ta declara National Geographic que "ta establece [el termino Oceania] con el Pacifico Ocaano como el definitorio caracteristica del continente."[11] Etiquetao Oceania por otro gente como el "liquido continente" ("liquid continent"). Etiquetao el Pacifico Oceano mismo como un "continente de maga isla" ("continent of islands"), y ta conta con aproximadamente 25,000, mas que todo el maga otro oceano combinao. Na un articulo de 1991 por el Submerged Resources Center del Servicio de maga Nacional Parque (Estados Unidos), ya escribi el americano arqueologo si Toni L. Carrell que "a menudo ta dificulta el inmensidad y el maga gran distancia dentro del cuenca del Pacifico con el conceptualizacion del cuenca como un solo terrestre caracteristica."[12] Ta añadi ele que el mayoria del maga isla na el Pacifico "bastante cerca para queda agrupao facilmente na maga archipielago o otro maga grupo. El maga notable excepcion, aquel maga isla incuntrao a mas de 400 estatutario millas de cualquier otro, son: Isla Clipperton, Isla de Pascua, [[Atolon Johnston[[, Isla Marcus, Isla Norfolk, Parece Vela e Isla Salas y Gomez.".[13] Na el de suyo libro de 2013, Reptiles and Amphibians of the Pacific Islands: A Comprehensive Guide (Plantilla:Lang-cbk), ya escribi el americano herpetologo si Plantilla:Ill que "cosa gayot o hinde parte del Pacifico —particularmente el occidental Pacifico— delimitao de maga diverso manera"[14], añadiendo que "ta acepta un mayoritario punto de vista con el maga continental masa de Japón, Taiwán, el Filipinas, Nueva Guinea y el este de Australia, que ta dale al maga abierto agua del Pacifico, como el de suyo occidental borde."[15] Considerao como bordeando con el abierto Pacifico Oceano el maga isla na el maga region de Maluku Utara y Sulawesi Utara de Indonesia, el resto del maga indonesio isla ubicao na el maga marginal mar del Pacifico, o na el Indico Oceano. Ta cubri el subregion de Oceania —a sabe, Australasia, Melanesia, Micronesia y Polinesia— con dos maga principal placa, el australiano placa (tambien conocio como el indoaustraliano placa) y el pacifico placa, ademas de dos maga menor placa, el placa de Nazca y el filipino placa. Ta inclui el australiano placa con Australia, Fiji, Nueva Caledonia, Papua Nueva Guinea, Vanuatu y maga parte of Nueva Zelanda. Ta bordea el placa de Nazca —que ta inclui con el Isla de Pascua— con el sudamericano placa, y considerao pa como un distinto tectonico placa, masquen ta contene con un puñao de maga isla lang.
Na 1973 ya propone el maga antropologo si Roger Green y si Andrew Pawley con el maga nuevo termino Cercano Oceania y Lejano Oceania. Por el de ellos definicion, ta consisti el Cercano Oceania na Nueva Guinea, el Archipielago Bismarck y el Islas Solomon, con excepcion del maga isla Santa Cruz. Diseñao este maga terminao para disipar con el maga obsoleto categoria de Melanesia, Micronesia y Polinesia; ta atravesa el Cercano Oceanía con el antiguo categoria de Melanesia, demostrao ya como un invalido categoria con respeto al geografia, el arqueologia, el cultura, el lengua y el humano historia del region. Ta permanece pa na uso el maga viejo categoria desde que propuesto na 1832 por el frances explorador si Jules Dumont d'Urville. Desde el decada 1990, ta reemplaza ya el maga erudito con aquel maga categoria por el maga de si Green y Pawley, pero usao pa el maga viejo categoria na el ciencia, el popular cultura y el general uso.
Historia revisa
Colonizacion de Oceania revisa
Australia revisa
.jpg)
El maga australiano indigena el maga original habitante del australiano continente y el maga cercano isla. Ya emigra ellos de Africa a Asia hace Plantilla:Circa 70.000 maga año y ya llega a Australia hace Plantilla:Circa 50.000 maga año. Creio que ta representa este humano movimiento con uno del maga mas temprano humano migracion fuera de Africa. Masquen siguro ya migra ellos a Australia a traves del Asiatico Sudeste, hinde demostrable relacionao con ningun conocio asiatico o polinesio poblacion. Hay evidencia de un genetico y lingüistico intercambio entre el maga australiano del extremo norte y el maga austronesio pueblo del actual Nueva Guinea y el maga isla, pero baka esto el resultao del reciente comercio y del interracial matrimonio.
Ya llega a Tasmania hace Plantilla:Circa 40,000 maga año migrando a traves de un puente de tierra desde el continente que ya existi durante el ultimo glaciacion. Creio que lograo este primer expansion del humanidad a Australia cuando ya forma este masa de tierra con un parte del continente de Sahul, conectao al isla de Nueva Guinea a traves de un puente de tierra. Indigeno el maga isleño del estrecho de si Torres al maga isla del estrecho de si Torres, na el extremo norte de Queensland, cerca de Papua Nueva Guinea. El maga mas antiguo definitivo humano resto incuntrao na Australia son el maga del Hombre de Mungo, datao na Plantilla:Circa 40.000 maga año de antigüedad.
Melanesia revisa
El maga original habitante del grupo de maga ya llamao Melanesia fueron siguro el maga antepasado del maga actual pueblo de habla papu. Migrando desde el Asiatico Sudeste, baka ya ocupa ellos con este maga isla tan al este como el maga principal isla del archipielago del maga isla Salomon, incluio Makira y baka el maga mas chico isla al este.
Particularmente a lo largo del norteño costa de Nueva Guinea y na el maga isla al norte y al este de Nueva Guinea, ya contacta el maga austronesio pueblo —que ya migra al area hace mas de 3,000 maga año— con este maga preexistente poblacion de maga pueblo de habla papu. A maga final del aca-20 siglo, ya teoriza algun maga cientifico sobre un largo período de interaccion, cuyo resultao fue manada complejo cambio na el genetica, el maga lengua y el cultura entre el maga pueblo.
Micronesia revisa
Hace cuanto milenio ya empeza el colonizacion de Micronesia, masquen hay maga contrapuesto teoria sobre el origen y el llegada del maga primero poblador. Hay maga numeroso dificultad para lleva a cabo con maga arqueologico excavacion na el maga isla, debido al de ellos tamaño, maga patron de colonizacion y maga daño por maga tormenta. Como resultado, basao mucho evidencia na el lingüistico analisis.
Na el isla de Saipan, fechao na el año 1500 AEC o un poco antes, incuntrao el maga primero arqueologico vestigio del civilizacion. Ya migra alla el maga antepasao del maga micronesio hace mas de 4,000 maga año. Eventualmente ya evoluciona un inicial sistema, descentralizao y basao na maga cacique, na un mas centralizao economico y religioso cultura, con el de suyo sede na Yap y Pohnpei. Hinde bien conocio el maga prehistoria de manada micronesio isla como Yap.
Ya descubri, navegando desde el Asiatico Sudeste, el maga primer colonista con el maga Mariana Isla del Norte durante un periodo entre 4000 AEC y 2000 AEC. Mas tarde conocio este etnia como el maga chamorro, y nombrao por ellos el de suyo lengua. Ya deja el maga antiguo chamorro con manada megalitico ruina, incluio maga piedra latte. Ya veni el caroliniano pueblo al maga Mariana durante el aca-19 siglo del maga isla Carolina. Gradualmente ya coloniza el maga micronesio con el maga isla Marshall durante el aca-2 milenio AEC, y posible el maga navegacion entre el maga isla, gracias a maga maga tradicional carta de maga palo.
Polinesia revisa
Considerao el maga polinesio pueblo, gracias al de suyo lingüistico, arqueologico y humano genetico ascendencia, como un subconjunto del maga austronesio pueblo que ya migra por el mar. Ademas, ta establece un minucioso estudio del maga polinesio lengua con el origen de este maga pueblo na el malayo archipielago, y finalmente na Taiwán. Entre Plantilla:Circa 3000 y 1000 AEC, ya empeza el maga hablante del maga austronesio lengua desde Taiwán hasta el maritimo asiatico sudeste. Creio que a Taiwán ya alcanza el maga nativo por China del Sur hace Plantilla:Circa 8,000 maga año, antes de segui expandiendo al maga borde de occidental Micronesia y luego a Melanesia.
Na el arqueologico registro hay maga bien definio rastro de este expansion, ansina que seguio y fechao con algo de certeza el paseo de este expansion. Creio que aproximadamente na 1400 AEC, ya aparece el "maga pueblo de Lapita", llamao ansina por el de ellos tradicion de ceramica,, na el archipiélago Bismarck del noroeste de Melanesia.
Ya reclama el maga inhabitante del Isla de Pascua que ya descubri un cacique, si Hotu Matu'a, con el isla na uno o dos maga gran canoa acompañao del de suyo esposa y extendio familia. Creio que fueron maga polinesio. Alrededor de 1200, ya descubri y ya coloniza maga tahitiano explorador con el area. Basao este rango de datacion na maga glotocronologico calculo y na tres maga datacion por radiocarbono de vegetal carbon baka producio durante maga actividad de forestal desmonte. Ademas, ta sugeri un reciente estudio —que ya inclui con maga datacion por radiocarbono de, segun ta cree el maga cientifico, muy temprano material— que descubierto y colonizao el isla tan temprano como 1200.
Europeo exploracion revisa
Explorao Oceania por primera vez por el maga europeo desde el aca-16 siglo. Entre 1512 y 1526 ya alcanza el maga portuges navegador al maga isla Moluca (si António de Abreu y si Francisco Serrão na 1512), Timor, el maga isla Aru (si Martim A. Melo Coutinho), el maga isla Tanimbar, algun maga isla Carolina (si Gomes de Sequeira na 1525) y el oeste de Papua Nueva Guinea (si Jorge de Menezes na 1526).
Na 1519, ya navega un expedicion, liderao por si Fernando de Magallanes para el español imperio, por el costa este de America del Sur, ya incuntra y ya pasa por el estrecho que ta lleva con el de suyo nombre y na el 28 de noviembre de 1520 ya entra na el oceano que ya nombra el "Pacifico" por el de suyo maga favorable alisio viento. Entonces ya navega por el norte el tres maga otro buque, liderao por si Magallanes y el de suyo dos maga capitan si Duarte Barbosa y si João Serrão. Aqui ya atrapa ellos con el viento que ya lleva con ellos a traves del Pacifico hasta el Filipinas, donde asesinao si Magallanes.
Ya regresa un superviviente buque liderao por si Juan Sebastián Elcano hacia el oeste a traves del Indico Oceano, mientras que ya anda el otro hacia el norte con el esperanza de incuntra con el maga viento del oeste y llega a México. Incapaz de incuntra con el maga correcto alisio, ya debe regresa al Asiatico Sudeste. Ya logra el expedicion de si Magallanes-Elcano con el primer circunnavegacion del mundo y ya alcanza al Filipinas, al maga isla Mariana y otro maga isla de Oceania.
Desde 1527 hasta 1595 ya atravesa un gran numero de otro maga expedicion con el Pacifico Oceano bajo el bandera de España, alcanzando al maga isla Marshall y Palaos na el Pacifico Norte, ademas de Tuvalu, el maga isla Marquesa, el archipielago del maga isla Salomon, el maga isla Cook y el maga isla del Almirantazgo na el Pacifico Sur.
Na busca de Terra Australis, durante el aca-17 siglo ya navega maga español exploracion —como el expedicion liderao por el portugues navegador si Pedro Fernandes de Queirós— al maga archipielago de maga isla Pitcairn y de Vanuatu, y ya cruza con el estrecho de si Torres entre Australia y Nueva Guinea, que ta lleva con el nombre del navegador si Luís Vaz de Torres. Ya realiza si Willem Janszoon con el primer completamente documentao europeo aterrizaje na Australia (1606), na el peninsula del cabo York. Ya circunnavega y ya visita si Abel Tasman con algun maga parte del australiano continente, ademas de descubri con el Tierra de si Van Diemen (ahora Tasmania), Nueva Zelanda na 1642, y Fiji. Ele el primer conocio europeo explorador na alcanza a este maga isla.
Na el 23 de abril de 1770, ya realiza el britanico explorador si James Cook con el de suyo registrao directo observacion del maga australiano aborigen a Isla Brush cerca del Punto Bawley. Na el 29 de abril, ya toca si Cook y el de suyo tripulacion con tierra por primera vez, na un lugar ahora conocio como el peninsula de Kurnell. Aqui ya hace si James Cook con el primer contacto con un aborigen tribu conocio como el maga Gweagal. Ansina el de suyo expedicion fue el primer europeo expedicion que ya encontra con el oriental costa de Australia.
Europeo colonizacion revisa
.png)
Na 1789, ya lleva el motin del HMS Bounty contra si William Bligh a cuanto amotinao escapando del britanico Real Marina y estableciendo con un nuevo hogar na el maga isla Pitcairn, convirtio mas tarde na un britanico colonia. Tambien ya establece Bretaña con maga colonia na Australia na 1788, Nueva Zelanda na 1840 y Fiji na 1872, ansina que ya pasa un gran parte de Oceanía a forma con parte del Britanico Imperio. Durante el maga final del aca-19 siglo, ya acaba bajo el esfera de influencia de Bretaña el maga isla de si Gilbert (ahora conocio como Kiribati) y el maga isla de si Ellice (ahora conocio como Tuvalu).
Ya lleva el maga frances catolico misionero a Tahiti na 1834; despues del de ellos expulsion na 1836, ya envia Francia con un cañonero na 1838. Na 1842, declarao Tahiti y Tahuata como un frances protectorao, para que ya trabaja el maga catolico misionero imperturbao. Fundao el capital de Papeete na 1843. Na el 24 de septiembre de 1853, bajo maga orden de si Napoleon III, ya toma el almirante si Febvrier Despointes con formal posesion de Nueva Caledonia, ansina que na el 25 de junio de 1854, fundao Port-de-France (ahora Nouméa).
Ya aterriza el español explorador si Alonso de Salazar na el maga isla Marshall na 1529. Nombrao ellos por Adam Johann von Krusenstern, na honor del ingles explorador si John Marshall, quien ya visita con ellos junto con si Thomas Gilbert (que ya dale con el de suyo nombre a Kiribati) na 1788, na ruta de Bahia de Botany a Guangzhou (dos maga barco del Primer Flota). Na 1905 ya transferi el britanico gobierno con algun administrativo responsabilidad sobre el sudeste de Nueva Guinea a Australia (que ya renombra con el area "Territorio de Papua"), y na 1906, ya transferi con todo el restante responsabilidad a Australia. Ya reclama España con el maga isla Marshall na 1874. Ya establece Alemania con maga colonia na Nueva Guinea na 1884 y Samoa na 1900. Tambien ya expandi el Estados Unidos na el Pacifico, empezando por el isla Baker y el isla Howland na 1857, y anexando con Hawaii como un estadounidense territorio na 1898. Ya lleva maga desacuerdo (entre el Estados Unidos, Alemania y el Reino Unido sobre Samoa) al Tripartito Convencion de 1899.
Moderno historia revisa
.jpg)
Uno del maga primer terrestre ofensiva na Oceanía fue el ocupacion del aleman Samoa na el agosto de 1914 por el Fuerza de Defensa de Nueva Zelanda. Ya termina sin derramamiento de sangre el campaña para toma con Samoa despues de ya aterriza mas de 1,000 maga neocelandes na el aleman colonia. Na el septiembre de 1914 ya ataca el maga australiano fuerza con Aleman Nueva Guinea. Ya sitia un compañía de maga australianos y un britanico buque de guerra con el maga aleman junto con el de ellos maga colonial subdito, terminando con un aleman rendicion.
El ataque a Pearl Harbor, por el japones Imperial General Cuartel, fue un sorpresa militar ataque llevao a cabo por el Imperial Japones Armada contra el naval base del Estados Unidos na Pearl Harbor, Hawaii, na el mañana del 7 de diciembre de 1941. Ya lleva el ataque al entrada de Estados Unidos na el Segundo Mundial Guerra. Posteriormente, ya invadi el maga japones Nueva Guinea, el maga isla Salomon y otro maga isla del Pacíiico. Inicialmente exitoso, ya retira el maga japones despues del batalla del mar del Coral y el campaña del sendero de Kokoda, antes del de ellos final derrota na 1945. Na Oceania, algun maga prominente campo de batalla fueron el batalla de Bita Paka, el campaña del maga isla Salomon, el bombardeo de Darwin, el campaña del sendero de Kokoda y el campaña de Borneo. Ya lucha el Estados Unidos na el Batalla de Guam del 21 de julio al 10 de agosto de 1944. para recupera con el isla del ocupacion por parte del maga armao fuerza de Japón.
Ya queda maga britanico dominio Australia y Nueva Zelanda durante el aca-20 siglo, adoptando con el Estatuto de Westminster (del 11 de diciembre de 1931) na 1942 y 1947 respectivamente. Na 1946, ya obtene el maga polinesio con el frances ciudadania y ya queda el maga isla un territorio de ultramar; na 1957 ya queda el nombre del maga isla Frances Polinesia (French: Polynésie Française). Ya queda Hawaii un estado del Estados Unidos na 1959, y ya independiza Fiji y Tonga (del Reino Unido) na 1970. Na el 1 de mayo de 1979, na reconocimiento del evolucion del politico situacion del maga isla Marshall, ya reconoce el Estados Unidos con el constitucion del maga isla Marshall y el establecimiento del Gobierno del Republica del maga isla Marshall. Na 1971 fundao el Foro del Pacifico Sur (English: South Pacific Forum) (a partir de 2000 el Foro del maga isla del Pacifico, English: Pacific Islands Forum).
Cultura revisa
Australia revisa
Desde 1788, el principal influencia detras del australiano cultura fue el anglo-celta occidental cultura, con algun maga influencia por parte del maga australiano aborigen. El resultao del divergencia y evolucion producio na el maga siguiente siglo es un distintivo australiano cultura. Desde maga mediao del aca-20 siglo, fuertemente ya influencia el cultura de Estados Unidos (particularmente el popular cultura) con Australia, particularmente a traves del television y el cine. Ya llega otro maga cultural influencia desde maga cercano asiatico pais, y a traves del inmigracion a gran escala de maga hinde angloparlante nacion. Ya impulsa The Story of the Kelly Gang (1906), el primer largometraje del mundo, con un boom na el cinema de Australia durante el epoca del mudo cine. El Australiano Museo na Sidney y el Nacional Galeria de Victoria na Melbourne son el maga mas viejo y mas grande museo na Oceania. El maga celebracion del Nochevieja na Sidney son el maga mas grande na Oceania.
Tambien conocio Australia por el de suyo maga cafeteria y maga cultura del cafe na el maga urbano espacio. Para el flat white coffee, responsable Australia y Nueva Zelanda. Ya subsisti el mayoria del maga tribal grupo de maga australiano aborigen con un simple dieta de autoctono fauna y flora, conocio na Australia como bush tucker, pero ahora popular na el Occidente y llamao el paleolitico dieta. Ya introduci al continente el maga primer colonista con el gastronomia del Reino Unido. Mucho de esto ya considerao como tipico australiano comida, como el Sunday roast. Mas tarde ya transforma el multicultural inmigracion con el australiano gastronomia, cuando ya ayuda el maga europeo inmigrante posterior al Segundo Mundial Guerra, na particular del Mediterraneo, a construi con un prospero australiano cultura del cafe, y ya lleva el influencia de maga asiatico cultura a maga australiano variante del de ellos maga basico alimento, como el dim sim (inspirao por el gastronomia de China) y el Chiko Roll.
Hawaii revisa
.JPG)
Ta inclui el musica de Hawaii con maga tradicional y popular estilo, desde el nativo hawaiano folclorico musica hasta el moderno rock y el hip hop. Desproporcionado (con el chico tamaño del estado) el maga musical contribucion de Hawaii al musica del Estados Unidos. Bien conocio por todo el mundo tal maga estilo como el slack key, mientras que el musica con maga hawaiano tinte es un frecuente parte de maga sonoro banda de Hollywood. Masquen el maga blanco, hinde el maga hawaiano, son el tipico objetivo publico del misica country, aqui tambien ya hace Hawaii con un importante contribución, con el introduccion del steel guitar. Politeista y animista el hawaiano religion, con un creencia na manada deidad y espiritu, incluio el creencia de que incuntrable el maga espiritu na maga ser y maga objeto hinde humano como el maga animal, el maga ola y el cielo.
El gastronomia de Hawaii es un fusion de manada comida traio por maga inmigrante al maga hawaiano isla, empezando por el maga primer polinesio y maga nativo hawaiano, y continuando con el gastronomia de maga diverso origen: chino, coreano, estadounidense, filipino, japonés, polinesio y portugues. Na 2010, na el de suyo serie de 50 maga gran voz (English: 50 Great Voices), ya nombra NPR como "el voz de Hawaii" (English: The Voice of Hawaii) con si Israel Kamakawiwoʻole, un nativo musico de Hawaii y activista por el hawaiano soberania, famoso por el de suyo mezcla de "Somewhere Over the Rainbow/What a Wonderful World".
Nueva Zelanda revisa
El cultura de Nueva Zelanda es por lo general un occidental cultura, influenciao por el cultural aporte del indigena maori pueblo y el maga diverso oleada de multietnica migracion que ya segui con el colonizacion de Nueva Zelanda. Ta constitui el maorí pueblo con uno del maga principal cultura de Polinesia. Ya amplia el globalizacion y el inmigracion —especificamente de Oceania, Europa y Asia— con el pais. Ta marca Nueva Zelanda con dos maga nacional dia de conmemoracion: el Dia de Waitangi y el Dia ANZAC. Tambien ta celebra Nueva Zelanda con manada festivo dia como el Cumpleaños del Rey, el Dia del Trabajo y el Navidad, ademas de maga publico aniversario del maga fecha de fundacion del mayoria del maga region. Ya empeza a desarrolla el discografico industria de Nueva Zelanda a partir de 1940, y ya logra exito manada musico de Nueva Zelanda na Bretaña y el Estados Unidos. Ta lanza algun maga artista con maga cancion na el maori idioma, y hablando del maga maori, hay un resurgimiento del tradicional arte de kapa haka (canto y baile). Ya anima el diverso paisaje y el compacto tamaño del pais mismo, ademas de maga gubernamental incentivo, que ya filma algun maga productor con maga pelicula de gran presupuesto na Nueva Zelanda, incluio Avatar, El Señor del maga Anillo, El hobbit, El maga cronica de Narnia, King Kong y El ultimo samurai.
Descrio el nacional gastronomia como perteneciente al Cuenca del Pacífico, incorporando con el nativo gastronomia del maga maori y maga diverso culinario tradicion introducio por maga colono y maga inmigrante de Europa, Polinesia y Asia. Ta produci Nueva Zelanda con maga producto de tierra y mar — gradualmente introducio, por el maga temprano europeo colono, el mayoria del maga cultivo y el ganado, como el maiz, el maga patatas y el maga puerco. Entre otro maga distintivo ingrediente o maga plato hay el cordero; el salmon; el koura (cangrejo de río); morralla; mariscos como maga chileno ostra, pāua, maga mejillon, maga vieira, pipi y tuatua; kumara (batata); kiwi; tamarillo; y pavlova (considerao un nacional plato).
Samoa revisa
Ta permanece el faʻa Sāmoa, o tradicional estilo samoano, como un poderoso fuerza na el vida y el politica de Samoa. A pesar de maga siglo de europeo influencia, ta mantene Samoa con el de suyo maga historico costumbre, el de suyo social y politico sistema, y el de suyo idioma. Tal maga cultural costumbre como el ceremonia del ʻava son maga significante y solemne ritual na maga importante ocasion, incluio el otorgamiento de maga titulo de jefatura na el sistema de faʻamatai.
El samoano palabra para "baile" es siva, que ta consisti na maga distinto suave movimiento del cuerpo al ritmo del musica y que ta relata con un historia. (Compara y contrasta con el hula de Hawaii.) Tiene vez mas agil el maga baile del maga samoano hombre. Otro tradicional baile es el sasa, donde ta realiza filas de maga bailados con maga rapido sincronizao movimiento al ritmo de maga tambor de madera (pate) o maga enrollao colchoneta. Otro baile performao por el maga hombre es el faʻataupati o el baile de maga bofetada, crear con maga ritmico sonido golpeando con maga diferente parte del cuerpo. Como otro maga polinesio cultura (hawaiano, maori, tahitiano) que ta practica con significativo y distinto tatuaje, ta tene el maga samoano con maga tatuaje específico de genero y culturalmente significativo.
Arte revisa
Ta varia mucho el maga artistico creacion del maga nativo oceanico a traves del maga cultura y el maga region. Tipicamente ta lleva el arte mismo con maga tema de fertilidad o de lo sobrenatural. Otro maga comun artistico forma son el petroglifo, el tatuaje, el pintura, el talla na madera, el talla na piedra y el textil trabajo. Propiamente dicho, ta abarca el vocablo arte de Oceania con el maga artistico tradicion del maga indigena pueblo de Australia y del maga isla del Pacifico. Ya carece este maga temprano pueblo con un sistema de escritura, y ya realiza con el de ellos maga obra na maga perecedero material, ansina que ta existi pa poco maga recuerdo de este maga pueblo de aquel entonces.
El indigena australiano rupestre pintura es el mas antiguo y mas rico ininterrumpio artistico tradicion del mundo, que ta remonta a hasta 60.000 maga año, y repartio na maga ciento de mil de maga sitio. Ya cumpli este maga rupestre pintura con maga diferente funcion. Usao algun maga para el magia, algun maga para aumenta con el maga poblacion de maga animal para el caza, algun maga simplemente para el entretenimiento. Primero ya aparece el escultura de Oceania na Nueva Guinea, como un serie de maga figura de piedra incuntrao na todo el isla, pero sobre todo na el maga montañoso alto tierra. Dificil el establecimiento de un cronologico marco de tiempo para este maga pieza na el mayoria del maga caso, pero datao uno a Plantilla:Circa 1500 AEC.
Hacia el 1500 AEC, ya empeza el cultura Lapita, maga descendiente del segundo migratorio ola, a expandi y extende al maga mas remoto isla. Mas o menos al mismo tiempo, ya empeza el arte a aparece na Nueva Guinea, incluio el maga primero ejemplo de escultura na Oceania. Y Plantilla:Circa 1100 EC, ya empeza el gente del isla de Pascua a construi con casi 900 maga moai (maga gran estatua de piedra). Alrededor de 1200 EC, ya embarca el gente de Pohnpei, un isla de Micronesia, na otro megalitico construccion, a sabe, Nan Madol, un ciudad de maga artificial isla y un sistema de maga canal. Ta inclui el hawaiano arte con el talla de madera, trabajo de maga pluma, maga petroglifo, tela de corteza (llamao kapa na hawaiano y tapa na otro maga parte del Pacifico, gracias al alternacion de /k/ y /t/) y el tatuaje. Antes del europeo contacto, ya carece el maga nativo hawaiano de metal y de tejio tela. (Pero hinde ya vesti gayot ellos de maga sosten de coco — es un estereotipo.)
Deporte revisa
El rugby union es uno del maga mas destacao deporte del region, y el nacional deporte de Nueva Zelanda, Samoa, Fiji y Tonga. El mas popular deporte na Australia es el criquet, y ya gana el seleccion de criquet de Australia con el Mundial Copa de Criquet un record de cinco maga vez. El mas popular deporte entre el maga australiano mujer es el netball, mientras que ta obtene el australiano futbol con el maga mas alto numeros de maga espectador y televisivo rating. El rugby union es el mas popular deporte entre el maga neocelandes, y empatao Nueva Zelanda con Sudafrica por el mayor cantidad de maga titulo del Mundial Copa de Rugby por gana tres maga vez con el torneo. Tambien ya logra el seleccion de rugby de Australia, el maga Walabi (English: the Wallabies), gana con el Mundial Copa dos maga vez, masquen menos popular el rugby union entre el maga australiano. Na Papua Nueva Guinea, el mas popular deporte es el rugby league. El masculino seleccion de rugby 7 de Fiji es uno del maga mas exitoso na el mundo, tal como el de Nueva Zelanda.
El australiano futbol es el nacional deporte na Nauru. Tambien popular este deporte na Papua Nueva Guinea, donde es el segundo mas popular deporte despues del rugby league. Ademas, Además, ta atrae este con significativo atencion na Nueva Zelanda y el maga isla del Pacifico. El mas alto nivel del deporte es el Australian Football League (AFL), el cuarto mas concurrio deportivo liga del mundo durante el decada de 2010.
Vanuatu el unico pais de Oceania cuyo nacional deporte es el futbol. Sin embargo, el futbol tambien el mas popular deporte na Kiribati, el maga isla de Salomon y Tuvalu, y ta tene ele con un significativo (y creciendo) popularidad na Australia. Na 2006 ya abandona Australia con el Confederacion de Futbol de Oceania (OFC) a favor del Asiatico Confederacion de Futbol (AFC), y ya califica el de suyo masculino seleccion, los socceroos, para cada subsiguiente Mundial Copa de Futbol como un asiatico entrante. El unico pais de Micronesia que es miembro del OFC es Kiribati, masquen hinde reconocio por FIFA como el otro maga miembro del OFC. Hinde ta tene el maga isla Marshall, Micronesia, Nauru ni Palau, principalmente debio al falta de infraestructura y al maga logistico dificultad relacionao con el lejania de Micronesia. Como Australia, actualmente ta competi na el AFC, na lugar del OFC, el dependiente territorio de Micronesia de Guam y el maga Isla Mariana del Norte. Ya domina Australia con el OFC durante manada año, y conocio por el maga unilateral resultao (i.e. maga valla invicta). Ya inclui este maga con un derrota por 31–0 de American Samoa por Australia na 2001, hasta el dia de hoy el mayor internacional victoria na el historia de este deporte. Ya rompe con el anterior record establecio dos maga dia antes, cuando ya vence Australia con Tonga.
Ta mira el maga australiano al deporte como importante parte del de suyo cultural identidad, y ta tene el pais con un buen desempeño na el internacional escenario, a pesar de un relativamente chico poblacion. Fue sede de dos maga Olimpico Juego de Verano: Melbourne 1956 y Sidney 2000, y tambien ay acoge el ciudad de Brisbane con la edicion de 2032. Australia y Nueva Zelanda fueron entre el chico puñado de maga pais hinde comunista que ya decidi participa na Moscu 1980. Ademas, fue Australia sede de cinco maga edicion del maga Juego del Mancomunidad (Sidney 1938, Perth 1962, Brisbane 1982, Melbourne 2006, Gold Coast 2018). Entretanto, fue Nueva Zelanda sede del maga Juego del Mancomunidad tres maga vez: Auckland 1950, Christchurch 1974 y Auckland 1990. El maga Juego del Pacifico (anteriormente conocio como el maga Juego del Pacifico Sur) es un multideportivo evento, muy parecio al maga Olimpico Juego na una escala mucho mas chico, con el exclusivo participacion de maga paises de todo el Pacifico. Celebrao cada cuatro maga año y ya comenza na 1963. Ya competi Australia y Nueva Zelanda na el maga juego por primera vez na 2015.
Cada año es Melbourne sede del Abierto de Australia, considerado com uno del cuatro maga grande torneo de Grand Slam del tenis. Celebrao por primera vez na 1905.
Mira tambien revisa
- Australasia
- Festival del maga Arte del Pacifico
- Gastronomia de Oceania
- Geoesquema del Naciones Unidas para Oceania
- Global Sudeste
- Insular Chile
- Isleño del Pacifico
- Lista de maga ciudad na Oceania
- Maga bandera de Oceania
- Maga europeo na Oceania
- Maga indigena pueblo de Oceania
- Oceania (revista)
- Pacifico Comunidad
- Pacifico Union
Maga referencia revisa
- ↑ Na ingles: "[The term has] been used by Western cartographers since the mid-19th century to give order to the complexities of the Pacific area."
- ↑ "for the purpose of anthropology, Oceania has long been a continent like Africa, Asia and America."
- ↑ "the New World consists of North America, and the peninsula of South America attached to it. These divisions [are] generally themselves spoken as continents, and to them has been added another, embracing the large island of Australia and numerous others in the [Pacific] Ocean, under the name of Oceania. There are thus six great divisions of the earth — Europe, Asia, Africa, North America, South America and Oceania."
- ↑ "geographers have agreed to consider the island world of the Pacific Ocean as a third continent, under the name Oceania."
- ↑ "South of the continent of Asia is found a large island nearly as large as the continent of Europe. This, with a great number of small islands in the neighbourhood, is regarded as forming a fourth continent known as Oceania."
- ↑ "Oceania is the word often used by continental geographers to describe the great world of islands we are now entering upon"
- ↑ "Australia forms its central and most important feature."
- ↑ "afterthoughts in world history texts, lumped together and included at the end of global surveys as areas largely marginal to the main events of world history"
- ↑ "the use of the word Oceania to cover Australia, New Zealand, and the [Pacific] islands now has a slightly old-fashioned flavor."
- ↑ "not only [is Australia] our big brother down south, Australia is a member of the Pacific Islands Forum and Australia is a Pacific island, a big island, but a Pacific island."
- ↑ "establishes the Pacific Ocean as the defining characteristic of the continent."
- ↑ "the immensity of and great distances within the Pacific Basin often make it difficult to conceptualize the basin as a single earth feature."
- ↑ "close enough together to be easily clustered into archipelagos or groups. The notable exceptions, those islands more than 400 statute miles from any other, are: Clipperton Island, Easter Island, Johnston Atoll, Marcus Island, Norfolk Island, Parece Vela, and Salas and Gómez Island."
- ↑ "what is and is not part of the Pacific—particularly the western Pacific—is variously delimited"
- ↑ "a majority viewpoint accepts the landmasses of Japan, Taiwan, the Philippines, New Guinea, and eastern Australia, which face the open waters of the Pacific, as its western edge."
Maga externo enlace revisa
- Oceania na Curlie (na español)
- "Australia and Oceania" del National Geographic (na ingles)
- Oceania — maga fotografia, maga grabacion y maga digital objeto (extraio principalmente del Tuzin Archive for Melanesian Anthropology al UC San Diego Library) (na ingles)