Trueno

Rain Tipico sonido del ulan con el rayo
Problems listening to this file? See media help.

El trueno es el sonido causao por el rayo. Dependiendo del distancia y el naturaleza del rayo, puede el trueno varia, desde un largo y bajo estruendo hasta un repentino y fuerte crac. Na cuanto al repentino aumento del temperatura y, por lo tanto, del presion causao por el rayo, ta produci esto con un rapido expansion del aire na el paso de un golpe de rayo. Ansina mismo, ta crea este expansion del aire con un sonico onda de choque, o trueno. Conocio como el brontologia el cientifico estudio del trueno, y conocio como el brontofobia el irracional miedo (fobia) del trueno.

Etimologia

Cognao el maga palabra trueno y estruendo, ya que ta remonta ambo maga palabra (heredao del español) al latin tonitrus "trueno", del latin tonāre "trona" (Plantilla:Lang-es). Derivao al de suyo vez este latin palabra del protoindoeuropeo raiz (s)tenh₂- "trona", que, na el germanico rama (del maga indoeuropeo lengua), ya dale a luz con el maga ingles palabra thunder "trueno" y Thor (el dios del trueno, o el trueno personificao, na el nordico mitologia).

Hinde relacionao, sin embargo, con el palabra tono (del latin tonus).

Causa

El causa del truno fue el objeto de maga siglo de especulacion e cientifico investigacion. El temprano creencia fue que el trueno fue al actividad de maga deidad, pero ya atribui conele el maga antiguo griego filosofo a maga natural causa, como el viento golpeando con el maga nube (si Anaximandro, si Aristoteles) o el movimiento de aire dentro del maga nube (si Democrito). Ya cree el romano filosofo si Lucrecio que el causa fue el sonido del granizo colisionando entre el maga nube.

A maga mediado del aca-19 siglo, el aceptao teoria fue que ya produci el rayo con un vacio y que ya produci el colapso de aquel vacío con cosa conocio como trueno.

Na el aca-20 siglo ya evoluciona un consenso de que debe el trueno comenza con un onda de choque na el aire debio el repentino termico expansion del plasma na el canal del rayo. Ta varia el temperatura dentro del canal del rayo, medido por el espectroscopia, durante el de suyo existencia de 50 maga μs, subiendo bruscamente de un inicial temperatura de 20.000 K a 30.000 K, entonces bajando gradualmente hasta 10.000 K. El promedio alrededor de 20,400 K (20,100 °C). Ta causa el calor con un rapido expansion hacia afuera, impactando con el mas frio circundante aire a un velocidad mas rapido de cosa ta viaja el sonido de otro modo. El resultante pulso hacia afuera es una onda de choque, similar na principio a un onda de choque formao por un explosion, o na el delantero parte de un supersonico aeronave. Cerca del fuente, el nivel de sonoro presion del trueno es, na manada situacion, de 165 to 180 dB, pero tiene vez puede excede con 200 dB.

Ya produci maga experimental estudio de simulao rayo con maga resultao mayoritariamente consistente con este modelo, masquen hay pa continuo debate sobre el maga preciso fisico mecanismo del proceso. Propuesto otro maga causa, confiando na el maga electrodinamico efecto del enorme corriente que ta actua sobre el plasma na el rayo mismo.

Maga consecuencia

Puede el onda de choque na el trueno causa con maga daño al propiedad y maga lesion, como el interno contusion, al maga cercano persona. Puede el trueno ruptura con el maga timpano del maga cercano persona, provoca con un permanente deterioro del audicion. Hasta si hinde permanente, puede el trueno causa con el temporal sordera.

Maga tipo

Ya informa si Vavrek et al. (n.d.) que ta cae el maga sonido del trueno na maga categoria basao na el sonoridad, el duracion y el altura. El maga golpe de trueno son maga fuerte sonido que ta dura de 0,2 a 2 segundos y que ta contene con maga mas alto tono. El maga repique de trueno son maga sonido cambiando de sonoridad y altura. El maga retumbo de trueno son irregular mezcla de maga sonoridad y maga altura. Menos fuerte el maga estruendo de trueno, ta dura mas (hasta mas de 30 maga segundo), y ta tene con un mas bajo altura.

Ta resulta el invertio trueno cuando ta ocurri maga golpe de rayo entre nube y suelo durante un termico inversion: ta tene el maga resultante sonido de trueno con significativamente mayor acustico energia que desde el mismo distancia na una condicion de hinde inversion. Na un inversion, mas frio el aire cerca del suelo que el aire mas arriba: frecuentemente ta ocurri maga inversion cuando ta pasa el calido y humedo aire por encima de un frio frente. Dentro de un termico inversion, evitao que ta dispersa el sonoro energia verticalmente como ya hace na un hinde inversion, y poreso concentrao na el capa cerca del suelo.

Tipicamente ta consisti el rayo de tipo nube-a-suelo (NS) de dos o mas maga golpe de retorno, de suelo a nube. Ta tene el maga posterior golpe de retorno con mas acustico energia que el primero.

Percepcion

Thundercracks Muestra maga agudo crac de maga trueno escuchao inmediatamente despues de maga golpe de rayo muy cercano Crack of thunder Un crac de trueno durante el sonido de ulan cayendo Thunder boom Un pum de trueno
Problems listening to these files? See media help.

El mas notable aspecto del rayo y trueno es que mirao el rayo antes de que escuchao el trueno, debio a que mucho mayor el velocidad del luz que el velocidad del sonido. El velocidad del sonido na el seco aire es de aproximadamente 343 m/s o 1,236 km/h a 20 °C (293 K).

Na otro maga palabra, hay aproximadamente 3 s/km: deci "un Mississippi, dos Mississippi" un util metodo de conta con el maga segundo desde el percepcion de un determinao golpe de rayo hasta el percepcion del de suyo trueno (utilizable para medi con el proximidad de un rayo na interes del seguridad). Ansina, toma con el maga contao segundo y dividi por tres: ay produci esto con el distancia na maga kilometro del golpe de rayo.

Poreso ta indica un muy brillante rayo y un casi simultaneo agudo "crac" de trueno que muy cercano el golpe de rayo.

Descrio el "acercando" o "aproximando" rayo primero como un chasquido o un sonido de rasgado del tela, entonces como un sonido de disparo de cañon o un fuerte crujido/chasquido, seguio por un continuo estruendo. El maga temprano sonido son del maga lider del rayo, entonces el maga cercano parte del golpe de retorno, luego el maga distante parte del golpe de retorno.

Mira tambien

Maga externo enlace

Maga sonido del trueno (na binaural audio)