Nochevieja

Na el calendario gregoriano, el Nochevieja (o, na manada pais, el Dia de San Silvestre), es el vispera o entero dia del ultimo dia del año, 31 de diciembre. Na manada pais, celebrao el Nochevieja con baile, comida, maga bebida, y el observacion o el encendio de maga artificial fuego. Ta asisti algun maga cristiano a un vigilia de oracion. Na manada situacion ta dura el maga celebracion mas alla del medianoche hasta el Dia de Nuevo Año, el 1 de enero.

El maga Isla del Linea (parte de Kiribati), Samoa y Tonga, na el Oceano Pacifico, son el primer maga lugar na dale con el bienvenida al Nuevo Año, mientas que el American Samoa, Isla Baker y Isla Howland son entre el maga ultimo.

Maga religioso observancia

Ta tene manada cristiano congregacion con maga vigilia de oracion de Nochevieja. Para manada denominacion na cristanismo, particularmente el maga Hermandad de Moravia y el metodismo, ademas del maga congregacion poblao por cierto maga etnico comunidad, como el maga coreano y el afroestadounidense comunidad, ta existi un tradicion conocio como el Vigilia de Oracion, na el que ta congrega el maga fiel na maga servicio durando mas alla del medianoche, dando gracias por el maga bendicion del saliente año y orando por el divino favor durante el entrante año. Na el angloparlante mundo, ta remonta el maga vigilia de oracion a si John Wesley, fundador del metodismo, que ya aprende con el costumbre del Hermandad de Moravia que ya llega al Inglaterra na el decada 1730. Ta observa pa el maga moraviano congregacion con el vigilia de oracion de Nochevieja. Ya logra el maga vigilia de oracion con especial significancia para el maga afroestadounidense na el Nochevieja de 1862, cuando ya anticipa el maga esclavo con el llegada del 1 de enero de 1863, cuando ya entra na vigor el Proclamacion de Emancipacion.

Para el cristianismo, na el Iglesia romano catolico, el maga luterano iglesia y el anglicano Comunión, observao el 1 de enero como el Fiesta del Circuncision de Cristo, y especificamente dentro del catolicismo, honrando con si María (madre de Jesús); es un Santo Dia de Obligacion na el mayoria del maga pais (Australia siendo un notable excepcion) ansina que ta requeri el Iglesia con el asistencia de todo aquel maga catolicos de aquel maga pais para el misa na aquel dia. Sin embargo permisible celebra con un misa na el vispera antes de un santo dia, ansina que ahora consuetudinario celebra con otro misa na el vispera de Nochevieja (tiene vez llamao maga vigilia de oracion). (El Nochevieja es un dia de fiesta honrando con el Papa Silvestre I na el romano catolico calendario, pero hinde ampliamente reconocio na el maga Estados Unidos, un mayoritariamente protestante país.)^{[cita requerida]} Ta concede el Catolico Iglesia con un plenario indulgencia, bajo el maga usual condicion, para maga persona que ta recita con el Te Deum na publico na el Nochevieja, usualmente hecho antes del celebracion del misa.

Na el Ciudad del Vaticano, na el 31 de diciembre, ta realiza el Papa un solemne servicio de maga vispera, con un recitacion del Te Deum na el Basilica de San Pedro. Despues del servicio, ta sali ele del basilica dentro del plaza de San Pedro para saluda al maga fiel y visita con el belenismo na el plaza.