Wikipedia

BKKBN BF. Ggg z. 89 yang Inicialmente disponible na ingles lang, rapidamente ya surgi maga edicion na otro maga idioma. Na total, ta comprende el maga edicion de Wikipedia con (a) mas de 63 maga millon de maga articulos, atrayendo alrededor de 2 mil millon de maga unico visita de maga dispositivo por mes, y (b) mas de 14 maga millon de maga edicion por mes (alrededor de 5.2 maga edicion por segundo na promedio) a partir de noviembre de 2023. Segun maga dato proporcionao por Similarweb, ta proveni alrededor de 26% del trafico de Wikipedia del Estados Unidos, seguio por Japón a 5.9%, el Reino Unido a 5.4%, Alemania a 5%, Rusia a 4.8%, y el restante 54% repartio entre otro maga pais.

Wikipedia Logo

Ya recibi Wikipedia con alabanza por el de suyo habilitacion del democratizacion del conocimiento, el alcance del cobertura, el distinto estructura y el cultura. Pero tambien ya recibi ele con critica por el de suyo sistemico sesgo, particularmente el sesgo de genero contra el maga mujer y el geografico sesgo contra el Global Sur (el eurocentrismo). Masquen ya recibi el fiabilidad de Wikipedia con mucho critica na el decada de 2000, ya mejora este fiabilidad con el paso del tiempo, recibiendo con mas alabanza a partir del decada de 2010 y transformando na un importante sitio para el verificacion de maga hecho.

Ya censura Wikipedia algun maga nacional gobierno, desde maga especifico pagina hasta todo el sitio. Ta accede mucho gente a maga articulo sobre maga noticia de ultimo hora, como maga fuente de informacion actualizao con frecuencia sobre aquel maga evento.

Historia

Nupedia

Si Jimmy Wales (izquierda) y si Larry Sanger (derecha), el maga fundador de Wikipedia

Ya tiene cuanto colaborativo enciclopedia na linea antes del lanzamiento de Wikipedia, pero con limitao exito. Ya comenza Wikipedia como un complementario proyecto para Nupedia, un libro proyecto de enciclopedia na linea, na ingles lang, con maga ariículo escrio por maga experto y revisao bajo un formal proceso. Fundao ele el 9 de marzo de 2000, bajo el propiedad de Bomis, un empresa de portal. El de suyo lider fue si Jimmy Wales (ejecutivo director de Bomis) y si Larry Sanger (jefe de redaccion de Nupedia y mas tarde Wikipedia). Inicialmente ya lanza Nupedia bajo el de suyo propio licencia de abierto contenio (English: Nupedia Open Content License), pero antes del fundacion de Wikipedia, ya cambia Nupedia al Licencia de libre documentacion de GNU a maga instancia de si Richard Stallman. Ya recibi si Wales con el credito para el definicion del objetivo de hace con un publicamente editable enciclopedia, y si Sanger, para el estrategia de usa con un wiki para alcanza con este objetivo. El 10 de enero de 2001, ya propone si Sanger, na el lista de correo de Nupedia, con el creacion de un wiki como un "alimentador" para Nupedia.

Lanzamiento y crecimiento

Registrao el 13 y 12 de enero de 2001, respectivamente, el maga dominio de Internet wikipedia.org y wikipedia.com. (Tambien hay un dominio wikipedia.net, pero ta redirecciona esto y wikipedia.com a wikipedia.org.) Lanzao Wikipedia mismo el 15 de enero de 2001 como un solo edicion na ingles a www.wikipedia.com, y ya anuncia si Sanger con el lanzamiento na el lista de correo de Nupedia. Ya origina el nombre de un acronimo del maga palabra wiki y enciclopedia. Na el primer maga mes, codificao el de suyo integral politica de un neutral punto de vista. Con excepcion de esto, ya tiene inicialmente relativamente poco maga regla, y ya opera independientemente de Nupedia. Originalmente, ya tene Bomis con el intencion de que fuera Wikipedia un negocio con maga fin de lucro.

El principal pagina de Wikipedia el 20 de diciembre de 2001.

Ya gana Wikipedia con maga temprano contribuidor de Nupedia, maga anuncio de Slashdot y maga indexacion de maga motor de busqueda. El marzo de 2001, ya empeza el creacion de maga edicion na otro maga idioma (que ingles), y a maga final de 2004, ya tiene un total de 161 na uso. (El Wikipedia na aleman el segundo mas viejo, y ta remonta el de kanaton a (por lo menos) el 10 de junio de 2007, segun el Internet Archive. Na aquel dia ya tene kita con 187 maga articulo.) Ya coexisti Nupedia y Wikipedia hasta el permanente cierre del maga servidor web del anterior na 2003, y el incorporacion del texto de esto na Wikipedia. El 9 de septiembre de 2007, ya supera el Wikipedia na ingles con el marca de dos maga millon de maga articulo — como resultao, este edicion fue (y es) el mas grande enciclopedia jamas asambleao, sobrepasao con el Enciclopedia Yongle realizao na China durante el dinastia Ming na 1408, que ya ostenta con el mundial record durante casi 600 maga año.

Citando con maga temor de comercial publicidad y falta de control, ya bifurca de Wikipedia algun maga usuario del Wikipedia na español para crea con el Enciclopedia Libre Universal en Español el febrero de 2002. Luego ya anuncia si Wales que hinde ay mostra Wikipedia con maga anuncio, y ya cambia ele con el principal dominio de Wikipedia, desde wikipedia.com a wikipedia.org.

Masquen ya alcanza el Wikipedia na ingles con tres maga millon de maga articulo el agosto de 2009, siguro ya ocurri el maximo crecimiento (y del maga nuevo articulo y del maga nuevo editor) alrededor del maga principio de 2007. Na 2006 ya aparece alrededor de 1800 maga nuevo articulo na el enciclopedia, pero na 2013 el promedio alrededor de 800. Ya atribui un equipo de PARC con este desaceleracion del crecimiento al creciente exclusividad del proyecto y al resistencia al cambio. Ta sugeri otro gente que ta aplana naturalmente el crecimiento kay "maduro" (extensivamente escrio e investigao) el maga articulos reconocible como maga "bajito mango", es deci, maga tema que claramente ta merece con un artículo.

El noviembre de 2009, ya incuntra un investigador al Universidad Rey Juan Carlos (Madrid, España) que ya perde el WIkipedia na ingles con 49.000 maga editor durante el tres maga primer mes de 2009: na comparacion, ya perde con 4.900 maga editor lang durante el mismo periodo de 2008. Ya afirma The Wall Street Journal que el variedad de reglas aplicao al edición, y el maga disputa relacionao con dicho contenio, fueron algun maga razon para este tendencia. Ya disputa si Wales con este maga afirmacion na el mismo mes, negando con el declive y cuestionando con el metodologia del estudio. Dos maga año mas tarde, na 2011, ya reconoce ele con un ligero disminucion, desde "poco mas de 36.000 maga escritor" (English: a little more than 36,000 writers) na junio de 2010 hasta 35.800 na junio de 2011. Na el mismo entrevista, ya afirma ele tambien que "estable y sostenible" (English: stable and sustainable) el numero de maga editor. Ya cuestiona un articulo, "The Decline of Wikipedia" (MIT Technology Review, octubre de 2013), con este afirmacion, revelando que desde 2007, ya perde Wikipedia con un tercio del de suyo maga voluntario editor, y que na cuanto a ellos que ya qued, ya centra ellos cada vez mas na maga minucia. Na julio de 2012, ya reporta The Atlantic que na declive tambien el numero de maga administrador. Na un numero del revista New York (el 25 de noviembre de 2013), ya deci si Katherine Ward que "ta enfrenta Wikipedia, el sexto mas utilizao sitio web, con a un interno crisis." (Plantilla:Lang-cbk)

Estable pa el numero de maga activo editor na el Wikipedia na ingles, despues de un largo periodo de declive.

Maga hito

Na Wikipedia mismo

Cartograma mostrando con el numero de maga articulo na cada idioma as of  2024. Ta representa un circulo con cada idioma. Agrupao (y mas o menos arreglao) el maga idioma por region, y ta indica un distinto color con cada region. Ta representa este mapa con el 100 maga mejor idioma lang, ansina que hinde ta apareca el de kanaton Wikipedia (#235 a partir de mayo de 2024).

Na enero de 2007, ya queda Wikipedia uno del diez maga mas visitao sitio web na el Estados Unidos, segun Comscore. Con 42.9 maga millon de maga unico visitante, ya ocupa el aca-9 puesto, superando con The New York Times (#10) y Apple (#11). Ya marca esto con un significativo aumento con respecto a enero de 2006, cuando ya ocupaba Wikipedia con el aca-33 puesto, con alrededor de 18.3 maga millon de maga unico visitante. Na 2014, ya recibi ele con ocho mil maga millon de maga vista cada mes. El 9 de febrero de 2014, ya reporta The New York Times que ya tene Wikipedia con 18 mil maga millon de maga vista de pagina y casi 500 maga millon de unico visitante cada mes, de nuevo segun Comscore. A partir de marzo de 2023, ya ocupa ele con el sexto lugar na popularidad, segun Similarweb. Ta argumenta si Loveland y si Reagle que, na proceso, ta segui Wikipedia con un largo tradicion de maga historico enciclopedia que ya acumula con maga mejora poco a poco a traves de "estigmergico acumulacion" (English: stigmergic accumulation).

El 18 de enero de 2012, ya participa el Wikipedia na ingles na un serie de maga coordinao protesta contra dos maga propuesto ley na el Congreso del maga Estados Unidos —el Stop Online Piracy Act (SOPA) y el PROTECT IP Act (PIPA)— realizando con un apagon del Wikipedia na ingles durante 24 maga hora. Ya mira mas de 162 maga millon de maga persona con el pagina de apagon, que ya explica con el situacion y temporalmente ya reemplaza con el contenio. (Exitoso el maga protesta.)

A partir de enero de 2023, ya cita maga academico revista con 55,791 na maga articulo (del Wikipedia na ingles) 92,300 maga vez. El mas citao articulo fue en:cloud computing (Plantilla:Lang-cbk).

El 18 de enero de 2023, ya estrena Wikipedia con un nuevo rediseño del de suyo sitio web, llamao "Vector 2022". Ya conta ele con un rediseñao barra de menu, un mudanza del sumario al izquierda como un lateral barra, y manada cambio na el maga ubicacion de maga boton como el herramienta de seleccion de idioma. Inicialmente, ya recibi el actualizacion con un violento reaccion, mas notablemente cuando ya vota unanimemente el maga editor del Wikipedia na suajili para reverti con el maga cambio.

Na el maga ciencia

• Na enero de 2013, nombrao por Wikipedia un asteroide, 274301 Wikipedia.
• Na octubre de 2014, honrao Wikipedia por el Monumento a Wikipedia (Plantilla:Lang-pl).
• Na julio de 2015, ya queda disponible (como Print Wikipedia) 106 de los 7.473 maga volumen (de 700 maga pagina) de Wikipedia.
• Na abril de 2019, ya estrella na el aterrizaje del Luna un israeli modulo de lunar aterrizaje, Beresheet, llevando con un copia de casi todo el Wikipedia na ingles grabao na maga fino placas de niquel. Ta deci el maga experto que baka ya sobrevivi el maga placa con al choque.
• Na junio de 2019, ya informa el maga cientifico del codificacion, na sintetico DNA, de todo el 16 GB de texto del maga articulo del Wikipedia na ingles.

Apertura

Destacao maga diferencia entre maga version de un articulo (aqui, el ingles version del articulo sobre el vitamina C).

Hinde como maga tradicional enciclopedia, ta segui Wikipedia con el principio de procrastinacion na cuanto al seguridad del de suyo contenido, cosa ta significa que ta espera Wikipedia a que ta surgi un problema para soluciona conele.

Maga restriccion

Debio al creciente popularidad de Wikipedia, ya introduci algun maga edicion, incluio el version na ingles, con maga restriccion de edicion para maga cierto caso. Por ejemplo, na el Wikipedia na ingles y algun maga edicion (hinde incluio el de kanaton), puede el maga registrao usuario lang crea con maga nuevo articulo. Na cuanto Wikipedia, incluio el de kanaton, tiene proteccion, na mayor o menor medida, para maga pagina particularmente controvertio, sensible o propenso al vandalismo. (Tambien ta inclui esto con maga pagina que ta regueri con un medida de consistencia y coherencia, como El Primero Pagina.) Puede un articulo frecuentemente vandalizao queda "semi-protegio" (English: semi-protected) o "extendio confirmao protegio" (English: extended confirmed protected), cosa ta significa que puede maga "autoconfirmao" o "extendio confirmao" editor lang modifica conele. Puede un particularmente contencioso articulo queda cerrao con llave para que puede el maga administrador de Wikipedia lang realiza con maga cambio. Ya identifica un articulo —del 15 de enero de 2021 na el Columbia Journalism Review— con el maga politica de Wikipedia de proteccion de maga pagina como "baka el maga mas importante" (English: perhaps the most important) medio al de suyo disposicion para "regula con el de suyo mercao de maga idea" (English: regulate its market of ideas).

Na algun maga caso, puede todo el maga edita envia con maga modificacion, pero necesario el revision para algun maga editor, dependiendo de algun maga condicion. Por ejemplo, ta mantene el Wikipedia na aleman con "maga estable version" (Plantilla:Lang-de) de maga articulo que ya recibi con maga favorable critica. Despues de maga prolongao juicio y maga discusion na el comunidad, ya introduci el Wikipedia na ingles con el sistema de "maga pendiente cambio" (English: pending changes). Bajo este sistema, ta sufri el maga edicion (de maga nuevo y/o hinde registrao usuario, a algun maga pagina particularmente controvertio, sensible o propenso al vandalismo) a revision por maga establecio usuario antes de publicacion.

Revision de maga cambio

Interfaz de edicion del Wikipedia na ingles.

Masquen hinde sistematicamente revisao todo el maga cambio a todo el maga pagina, ta proporciona el software de Wikipedia con maga herramienta permitiendo que ta revisa cualquier persona con el maga cambio realizao por otro gente. Na el pagina Historial de cada articulo, hay maga vinculo a cada revision (masquen invisible algun maga revision particularmente egregio, pero raro este accion). Na el mayoria del maga articulo, puede cualquier persona mira con el maga ultimo cambio y, si necesario, deshace con el maga revision de otro gente clicando na un enlace na el pagina Historial del articulo. Puede el maga registrao usuario mantene con un lista de seguimiento de maga articulo (que ta interesa con este maga usuario) para recibi con maga notificacion de maga cambio. El "Patrulla de maga Nuevo Pagina" es un proceso donde ta comproba algun maga usuario (si parte de este wikiproyecto) con el maga articulo recien creao na busca de maga obvio problema.

Na diciembre de 2003 —casi tres maga año despues del lanzamiento de Wikipedia na enero de 2001—, ya argumenta si Andrea Ciffolilli, un estudiante de doctorao na economia, que ya crea el maga bajo coste de transaccion (aqui, el maga figurativo coste de participa na un wiki) con un catalizador para el colaborativo desarrollo. Ademas ya argumenta si Ciffolilli que ya favorece el maga caracteristica de un formato wiki (como el antedicho facil acceso a maga anterior version de un pagina) con "creativo construccion" (English: creative construction) imbes de "creativo destruccion" (English: creative destruction).

Vandalismo

Considerao como vandalico cualquiera cambio que ta compromete deliberadamente con el integridad de Wikipedia. Entre el maga mas comun y obvio tipo de vandalismo son el maga adicion de maga obscenidad y crudo humor. Tiene vez ta comete un editor con vandalismo eliminando con contenido o blanqueando por completo con algun pagina. Mas dificil el deteccion de algun maga menos comun tipo de vandalismo, como el deliberao adicion de plausible pero falso informacion. Puede el maga vandalo introduci con irrelevante formateo, modifica con el semantica del pagina, como el de suyo titulo o categorizacion, manipula con el subyacente codigo, o usa con maga imagen de disruptivo modo.

El americanp periodico si John Seigenthaler (1927–2014), el blanco del incidente de si Seigenthaler.

Generalmente facil el eliminacion de obvio vandalismo de maga articulo de Wikipedia, kay el mediana del tiempo para detectar y soluciona conele es de unos pocos minutos. Sin embargo, puede algun maga caso de vandalismo permanece durante mucho mas tiempo.

Na el incidente de si Seigenthaler, ta introduci un anonimo editor con falso informacion na el biografia del americano politico si John Seigenthaler na mayo de 2005, falsamente presentando conele como sospechoso del asesinato de si John F. Kennedy. Ya permanece sin correccion durante cuatro maga mes. Ya llama si Seigenthaler —el fundador editorial director de USA Today y fundador del Centro del Primera Enmienda, del [[Foro del Libertad[[ na el Universidad Vanderbilt— al cofundador de Wikipedia, si Jimmy Wales, y ya pregunta a ele si ya tene si Wales con algun forma de sabe quien ya contribui con el desinformacion. Ya replica si Wales que hinde, masquen eventualmente localizao el perpetrador. Despues del incidente, ya describi si Seigenthaler con Wikipedia como "un defectuoso e irresponsable herramienta de investigacion" (English: a flawed and irresponsible research tool). Ya lleva el incidente a maga cambio na el maga politica de Wikipedia para reforza con el verificabilidad del maga biografico articulo de maga vivo persona.

Maga guerra de edicion

Tiene vez ta tene el maga wikipedista con maga disputa con respecto al contenio, que puede resulta na maga cambio, repetitivo y competitivo, na un articulo, conocio como un "guerra de edicion". Ampliamente visto ele como un escenario donde consumio maga recurso y hinde añadio ningin util conocimiento. Ademas visto ele como crea con un competitivo y conflictivo cultura de edicion, asociao por algun maga editor y observador con maga tradicional masculino rol de genero.

Ya examina si [[Taha Yasseri], del Universidad de Oxford, con maga conflicto de edicion y el de ellos resolucion na un estudio de 2013. Ya sostene si Yasseri que ni el maga simple reversion ni el maga operacion de "deshace" fueron el mas significativo medida del contraproducente laboral comportamiento na Wikipedia. Segun ele, el verdadero problema fue el de "maga mutuamente revertio par de maga edicion" (English: mutually reverting edit pairs), donde ta reverti un editor con el edicion de otro editor que luego, na secuencia, ta regresa para reverti con el primer editor. Ya tabula si Yasseri con el maga resultao para cuanto idioma de Wikipedia. Para el Wikipedia na ingles, ya pertenece el tres maga mayor tasa de conflicto al maga articulo en:George W. Bush (George W. Bush), en:anarchism (anarquismo) y en:Muhammad (Mahoma). Na comparacion, para el Wikipedia na aleman, el tres maga articulo fueron de:Kroatien (Croacia), de:Scientology (Cienciologia) y de:Verschwörungstheorien zum 11. September 2001 (Maga teoria del conspiracion del maga atentao del 11 de septiembre de 2001).

Maga politica y contenio

For el politica de Wikipedia, see Wikipedia:Cinco maga pilar.

Sujeto el contenio de Wikipedia al maga ley (particularmente el maga ley de copyright) del maga Estados Unidos y del estado de Virginia, donde ta ubica el mayoria del maga servidor de Wikipedia. Ta constitui el uso del sitio con acuerdo con el maga termino y maga condicion de uso y el politica de privacidad. El maga principal regla son:

• que legalmente responsable el maga contribuidor para el de ellos maga edicion y contribucion,
• que hay que cumpli con el maga politica que ta regi con cada independiente edicion de proyecto, y
• que prohibio maga actividad, legal o ilegal, perjudicial para otro maga usuario.

Ademas del maga termino, tambien ya desarrolla el Fundacion Wikimedia con maga politica, descrio como el "maga oficial politica del Fundacion Wikimedia" ({{lang-en|official policies of the Wikimedia Foundation).

Ta encarna el "Cinco maga Pilar" con el maga fundamental principio del comunidad de Wikipedia, mientras que ta expresa manada politica y directriz (para moldea adecuadamente con el crecimiento) con el maga detallao editorial principio. El cinco maga pilar son:

• Wikipedia es un enciclopedia
• Ta adheri Wikipedia a un neutro punto de vista
• Wikipedia es libre contenio que puede cualquier persona usa, edita y distribui
• Hay que trata con el otro maga editor de Wikipedia con respeto y cortesia
• Hinde ta tene Wikipedia con maga rigido regla

Ta almacena el comunidad con el de suyo maga regla na formato wiki, ansina que ta escribi y revisa el maga editor de Wikipedia con el maga politica y directriz del sitio web de acuerdo con el consenso del comunidad. Puede el maga editor impone con el maga regla borrando o modificando con material que hinde ta conforme. Originalmente, el maga regla na otro maga Wikipedia (que el version na ingles) fueron simplemente maga traduccion del reglas na el ingles edicion, pero desde entonces ya ocurri un ligero divergencia de acuerdo con el maga necesidad de cada comunidad.

El dos maga mas comunmente usao espacio de maga nombre, a traves de todo el maga edicion de Wikipedia, son:

• El del maga articulo (es deci, el enciclopedia mismo) y
• El del maga categoria (maga coleccion de articulo y otro maga pagina, como maga plantilla, etc.)

Ademas, ya tiene cuanto libro y lista de lectura compuesto completamente de maga articulo y maga categoria de algun Wikipedia.^{[cita requerida]}

Maga politica y directriz

De acuerdo con el maga regla del comunidad de Wikipedia na ingles, debe cada entrada na Wikipedia trata con un enciclopedico tema, e inadmisible un mero entrada de diccionario (para eso ta servi Wikcionario). Tambien debe un tema cumpli con el maga estandar de notabilidad de Wikipedia, que generalmente ta significa que tratao el tema na el maga principal medio de comunicacion o maga bien conocio academico revista, independiente del tema del articulo (es deci, maga independiente fuente).

Ademas, ta tene Wikipedia con el intencion de transmiti con el conocimiento ya establecio y reconocio lang. Prohibio el original investigacion. Ta requeri un cuestionable afirmacion con un referencia a un confiable fuente, al igual que todo el maga cita. Entre el maga editor del Wikipedia na ingles, tipicamente expresao esto como "verifiability, not truth" (verificabilidad, hinde verdad), para expresa con el idea de que ultimamente responsable el maga lector, hinde el enciclopedia, de verificar e interpretar con el maga articulo. Tiene vez ta lleva esto al eliminacion de informacion que, masquen valido, ta carece de un adecuao fuente.

Y al final, hinde debe Wikipedia toma con partio.

Gobernanza

Con el paso del maga año, ya integra el inicial anarquia de Wikipedia con maga democratico y jerarquico elemento. Hinde ta posee nadie —incluio el tema del articulo— con cualquier articulo.

Maga administrador

Puede maga editor na regla na el comunidad pedi con maga adicional derecho de usuario, cosa ta concede a ellos con el tecnico capacidad para realiza con maga cierto especial accion. Na particular, puede el maga editor elegi postula para queda "administrador", que ta inclui con el capacidad de elimina con maga pagina o bloque con el posibilidad de realiza con maga cambio, na maga caso de grave vandalismo o maga editorial disputa. Por lo general, hinde ta goza el maga administrador de ningun especial privilegio na el toma de maga decision. De lo contrario, el de suyo maga principal poder son (1) el realizacion de maga edicion que ta afecta con todo el proyecto y que, por lo tanto, impermisible para el maga ordinario editor, y (2) el implementacion de maga restriccion, cuyo objetivo es evita que ta realize el maga disruptivo editor con maga improductivo edicion.

A partir de 2012, ya converti menos editor na maga administrador na comparacion con el maga primer año de Wikipedia, en parte kay mas riguroso ya el proceso de investigacion del maga administrador posible.

Resolucion de maga disputa

Con el paso del maga año, ya desarrolla Wikipedia con un semiformal proceso de resolucion de maga disputa. Para determinar con el consenso del comunidad, puede el maga editor plantea con maga tema na el maga apropiao comunitario foro, busca con externo informacion a traves de maga solicitud de opinion de maga tercero, o inicia con un mas general comunitario discusion conocio como un "peticion de maga comentario" (English: request for comments).

Ta anima Wikipedia con maga local resolucion de maga conflicto, que segun Dariusz Jemielniak (na un papel de 2014) es bastante unico na el maga estudio de organizacion, masquen ta queda cierto reciente interes na el creacion de consenso na el campo. Ta afirma si Joseph M. Reagle Jr. y si Sue Gardner que similar el maga enfoque (para el construccion de consenso) al maga enfoque utilizao por el maga cuaquero. A diferencia del maga reunion del maga cuaquero, nuay ningun facilitador na presencia de desacuerdo, un papel desempeñao por el secretario na el maga reunion del maga cuaquero.

Comite de Resolucion de maga Conflicto

Ta presidi el CRC (Comite de Resolucion de maga Conflicto) con el definitivo proceso de resolucion de maga disputa. Masquen na manada situacion, ta surgi el maga disputa de un desacuerdo entre dos maga opuesto opinion sobre el sustancia de un articulo, explicitamente ta nega el CRC a decidi directamente con el especifico punto de vista que hay que adopta. Ta sugeri maga estadistico analisis que ta ignora el comite con el contenido del maga disputa y, por lo contrario, ta centra na el conducto del maga disputa, funcionando hinde para resolve disputa y hace con el paz entre maga editor na conflicto, sino para elimina con el maga problematico editor, y ansina permiti que ta volve a participa el maga editor potencialmente productivo.

Poreso hinde ta dicta el comite con el contenio del maga articulo, masquen tiene vez ta condena ele con el maga cambio de contenio cuando ta considera el comite que ta viola el nuevo contenio con el maga politica de Wikipedia (por ejemplo, si ta decidi el comite que ta contene el nuevo contenio con un severo sesgo, ansina violando con uno del cinco maga pilar mencionao mas arriba). Entre el maga comunmente empleao solucion, ta tene kita con maga aviso y probacion (usao na 63% del maga caso) y el suspension de algun maga editor de maga articulo (43%), maga tema (23%) o Wikipedia mismo (16%). Na cuanto al maga completo suspension de Wikipedia, generalmente limitao ellos a maga instancia de suplantacion de identidad o antisocial comportamiento. Na otro maga caso, el tipico solucion es un serie de maga aviso.